Зоран Ерцег, кој за време на церемонијата на откривањето на споменикот на Фрањо Туѓман викна дека поранешниот хрватски претседател е воен злосторник, денеска е осуден на 15 дена затвор, а условно на 12 месеци.

Алтернативниот министер за надворешни работи на Грција, Јоргос Катругалос, во интервју за грчкото радио „Сто кокино“, утрово рече дека со Договорот од Преспа почнува нов период на добри, билатерални и пријателски односи меѓу двете земји, јави дописничката на МИА од Атина.

Косовскиот премиер Рамуш Харадинај е подготвен да го стави на дневен ред на седница на Владата прашањето за укинување на такста од 100 отсто на увозот на производи од Србија и Босна и Херцеговина, дотолку тоа го предложи некој од министрите, пишува во денешното издание приштинскиот весник „Коха Диторе“.

-Во ист ден кога владата на Скопје соопшти дека стапува на сила Договорот од Преспа и се официјализира преименувањето во Република Северна Македонија, комитетот за Нобел во Норвешка и официјално соопшти дека меѓу кандидатите за Нобеловата награда за мир за 2019 се премиерите Алексис Ципрас и Зоран Заев, објави синоќа грчката новинска агенција АНА-МПА.

Српскиот претседател Александар Вучиќ денеска изјави дека на земјите во регионот им пречи тоа што Србија е посилна.

Најголемата опозициска партија во Бугарија, Бугарската социјалистичка партија (БСП) денеска повика на распуштање на Парламентот и распишување предвремени парламентарни избори во земјата.

За време на локалните избори во 2015 година, Бугарија беше изложена на најсилниот и најмоќниот кибер напад, што некогаш е извршен на Балканот, изјави поранешниот бугарски претседател Росен Плевнелиев.

Косовскиот претседател Хашим Тачи изјави дека никогаш досега не ни помислувал дека Приштина ќе се најде во позиција да ги доведе во прашање своите односи со САД.

Неколку дена пред најавениот масовен антивладин протест, што албанската опозиција ќе го одржи на 16 февруари, државната полиција упати порака за внимателност и ја сподели загриженоста со јавноста за „учество на криминалци во протестите“.

Српскиот претседател Александар Вучиќ во своето гостување на српската телевизија „Хепи“ даде осврт и на неодамна одржаниот референдум за промена на уставното име на Македонија.