Државниот Збор на Република Словенија денеска на вонредна седница го ратификуваше Протоколот за пристапување на Македонија во НАТО. Со тоа, Словенија стана втората земја-членка на Алијансата, која по Грција, го ратификува Пристапниот протокол во НАТО.

Извозот на Бугарија во странство во текот на 2018 година е намален за 12,5 отсто на годишно ниво, на 17,55 милијарди лева (8,97 милијарди евра), покажуваат податоците на бугарскиот Национален статистички институт (НСИ).

САД не се организатори, ниту финансиери на протестите „1 од 5 милиони“ во Србија, соопшти Амбасадата на САД во Белград, како одговор на тврдењата на белградскиот весник „Информер“, кој пишуваше дека токму американската Aмбасада стои зад протестите.

Претседателот на собраниската Комисија за истражување на последиците од НАТО бомбардирањето на Србија Дарко Лакетиќ изјави дека први прелиминарни резултати од научно-медицинска студија покажуваат пораст на зачестеноста на болести, особено малигни болести на крвта кај деца од пет до девет години.

Само во изминатата седмица во Грција биле регистрирани 21 смртен случај од грип, со што од почетокот на сезоната досега починаа 39 лица, покажуваат податоците од грчкиот Центар за контрола и превенција од болести, јави дописничката на МИА од Атина.

Министерот за надворешни работи на Србија, Ивица Дачиќ изјави денеска дека сега е вистински момент на меѓународно ниво, да се создаде напредок во решавање на косовското прашање, бидејќи како што рече, прашање е како ситуацијата ќе се одвива во САД по следните претседателски избори.

Пратениците од партиите кои се дел од Сојуз за Србија (СзС), моментално најсилниот опозициски блок, почнаа со бојкот на работата на српскиот парламент. Во бојкотот учествуваат и пратениците од Клубот на независни пратеници, кои не се членки на Сојузот за Србија, но се потписници на „Договор со народот“ и листата на барања за фер и слободни избори.

На средбата, како што јави дописникот на МИА од Приштина, посебен акцент е ставен на платформата за дијалогот, која се очекува деновиве да биде усвоена од Собранието на Косово.

Масовните протести на опозицијата, кои почнуваат на 16 февруари ќе продолжат се до соборување на Владата на Еди Рама и формирање преодна влада.

Косовскиот премиер Рамуш Харадинај, по денешниот состанок на државниот врв кај претседателот на Собанието Кадри Весели, изјави дека на средбата се разговарало за косовската платформа за дијалогот со Србија и дека не станало збор за таксата од 100 отсто на увозот од таа земја и од Босна и Херцеговина, јави дописникот на МИА од Приштина.