Еврокомесарот за проширување и соседска политика, Јоханес Хан предлага посебен формат за решавање на економските пречки меѓу Косово и Србија, со тоа што двете земји ќе согласат на „прекин на огнот“, односно ќе се воздржат од натамошни меѓусебни провокации, кои ја зголемуваат напнатоста меѓу нив, пишува денеска приштинскиот весник „Коха Диторе“.

Лидерот на косовското движење „Самоопределување“, Албин Курти допатува во Тирана, за да изрази поддршка на студентските протести, на кои од денеска им се прдружја и професорите.

Грчкиот премиер Алексис Ципрас утре ќе отпатува во дводневна посета на Турција, каде ќе се сретне со турскиот претседател Реџеп Тајип Ердоган и со потпретседателот Фуат Октај, јави дописничката на МИА од Атина.

Десет пациенти починаа од тешки акутни респираторни инфекции во Република Српска во периодот од 1 до 3 февруари, соопшти Институтот за јавно здравје во РС.

Албанскиот премиер Еди Рама бил на заедничка вечера со косовскиот државен врв во домот на косовскот претседател Хашим Тачи.

Од европската вселенска станица во Куру, Француска Гвајана, утре, во 23.01 часот по грчко време, во носечката ракета Ариана 5, ќе биде лансиран сателитот Hellas Sat 4 што ќе ги користи грчката и кипарската орбита, јави дописничката на МИА од Атина.

Албанската министерка за одбрана Олта Џачка достави предлог до Претседателот на државата за разрешување на Командантот на поморските сили, генерал мајор Илбер Доѓани.

Косовското Министерство за надворешни работи ги отфрли како чиста лажна пропаганда тврдењата на шефот на српската дипломатија Ивица Дачиќ дека неговиот косовски колега Беџет Пацоли, на неформалната средба на европските министри за надворешни работи во Букурешт, му се заканил со атентат, јави дописникот на МИА од Приштина.

Никогаш и од никој не бев уценуван, барам да не се промени ништо во Деловникот за работа на Парламентот, пишува грчкиот премиер Алексис Ципрас во писмото испратено до претседателот на Парламентот Никос Вуцис во пресрет на состанокот на комисијата за Деловникот на работата на Парламентот што ќе се одржи денеска во 14 часот по локално време, јави дописничката на МИА од Атина.

Косовскиот претседател Хашим Тачи претпладнево се сретна со премиерот Рамуш Харадинај пред да отпатува за Вашингтон, каде што ќе присуствува на Молитвениот доручек кој го приредува американскиот претседател Доналд Трамп, јави дописникот на МИА од Приштина.