Во експлозија на автомобил во центарот на Подгорица денеска е убиен еден човек, изјави Нермин Абдиќ, директор на Ургентниот центар во главниот град на Црна Гора.

Половина од градовите во Хрватска немаат улица со женско име, а ако имаат, тие се наоѓаат на периферијата, објавија професори од Факултетот за политички науки во Загреб.

Претседателот на косовското Собрание Кадри Весели синоќа ја отфрли можноста за пад на владата во Косово, но повтори дека царините за стоки од Србија и од БиХ треба да се укинат на 120 дена.

Црногорскиот премиер Душко Марковиќ, завчера ги прими поранешните претседатели и премиери на земјите од регионот, собрани во новоформираниот Подгорички клуб и изрази целосна поддршка за работата на тоа тело и неговите понатамошни активности за промовирање на перспективите на регионот, негова европска интеграција, како и афирмација на политиката на добрососедство и соработка.

Еден час во „Куќа на лисјата“ во Тирана!? Премногу или премалку за престој во Музејот за тајно набљудување, место во кое се архивирани и се сведочи за злосторства на албанската тајна полиција Сигурими. Нашиот водич дополни дека Музејот всушност е сведоштво за времето кога режимот во Албанија, предводен од диктаторот Енвер Хоџа, се борел против надворешниот, но и внатрешниот непријател.

Министерството за надворешни работи на Бугарија на 31 јануари 2019 година испратило одговор до редакцијата на интернет страницата www/eurochicago/com со број на луѓе, кои ја напуштиле државата, потпишано од Елена Шекерлетова, секретар во министерството.

Во таверна во грчкиот град Каламати експлодира боца со плин при што загинаа три жени, соопшти полицијата.

Протестите во Србија влегуваат во нова фаза во која треба прецизно да се дефинира политиката на опозицијата, изјави вчера лидерот на Народна партија и претседавател на опозициониот блок Сојуз за Србија, Вук Јеремиќ, кој истакна дека приоритет на оваа партиска коалиција во наредниот период ќе биде надворешно-политичка акција.

Во голема полициска акција во повеќе градови во Албанија, уапсени се 32 лица меѓу нив и полициски службеник, кои се занимавале со недозволена трговија со луѓе од Албанија кон западно европските земји и САД.

Нов протест „1 од 5 милиони” се одржа вечерва во Белград, а на почетокот беше прочитано писмо од студенти на ФПН, барајќи оставка од министерот за образование, Младен Шерчевиќ, бидејќи професорите, кои го поддржаа протестот, ги нарече несериозни.