Директорот на косовската полиција Рашит Ќалај најави дека Косово и оваа година ќе побара прием во Интерпол, и покрај неуспехот да го стори тоа на последниот самит на светската полициска организација, што се одржа минатиот ноември во Дубаи, јави дописникот на МИА од Приштина.

Според локалните медиуми, насобраните граѓани, со грчки знамиња извикувале слогани против Договорот од Преспа и против грчкиот претседател, но и дека „Македонија е грчка“.

За 2019-та, грчкиот премиер вели дека Грција влегува во нова ера, бидејќи „прв пат по една деценија, финансиските потреби на земјата се обезбедени за следниот период, а е регистриран и рекорд на странски инвестиции“.

Теодоракис ги споменува 50-те години во Грција и тогашниот американски амбасадор во земјата, Џон Перифој, „кој наметна негов закон во формирањето на националниот живот“ и вели дека актуелниот амбасадор на САД во Грција, Џефри Пајат „се покажа дека е многу над неговиот претходник“

Словенечкиот министер за култура Дејан Прешичек, обвинет за мобинг, поднесе писмена оставка до премиерот Марјан Шарец.

Шефот на тимот на косовската Влада за технички преговори со Србија, Авни Арифи оцени дека во изминатите девет години, колку што се одвива дијалогот меѓу Белград и Приштина, тој бил исклучиво во полза на српските интереси, но дека тоа веќе нема да биде така, јави дописникот на МИА од Приштина.

По одлуката на косовската Влада за зголемување на таксите за увоз на стоки од Србија и Босна и Херецговина за 100 проценти, албанскиот извоз на Косово бележи постојан раст, па така, во декември минатата година тој се зголемил за 44,5 отсто.

Во Собранието на Црна Гора пристигна владин предлог-закон за измена и дополнување на Законот за државни симболи и Денот на државноста на Црна Гора, со што меѓу останатото се предивдува казна и до 2.000 евра за оние кои знамето на Црна Гора ќе го употребуваат како престирка или завеса.

Српскиот министер за трговија,туризам и телекомуникацици Расим Љаиќ изјави дека ако Приштина наскоро не ги укине таксите од 100 отсто за увоз на стоки од Србија, долгорочната штета ќе биде поголема од 66,2 милиони евра, колку што во моментов изнесува.

Патријархот на Српската православна црква (СПЦ) Иринеј изјави дека надворешните притисоци треба да доведат до засилено единството на народот и државата во одбраната на своите суверени права и интегритетот на земјата и дека тоа единство не треба да биде нарушено од внатрешни разлики.