Од предметите што демонстрантите во неделата ги фрлаа кон полицијата и полициските кордони во неколку делови околу грчкиот Парламент, наполнети се 86 вреќи отпад, објави грчката новинска агенција, повикувајќи се на извештај од надлежните полицајци.

Американскиот амбасадор во Косово, Филип Коснет прв ја напушти зградата на косовското Собрание, каде што одржа состанок со парламентарниот спикер Кадри Весели и премиерот Рамуш Харадинај во врска со таксата за увоз на стоки од Србија и Босна и Хрцеговина, но не даде никаква изјава за медиумите за исходот од разговорите, јави дописникот на МИА од Приштина.

Државите признаваат држави, а не народи или нации, самоопределувањето не може да биде предмет во договорите, рече алтернативниот министер за надворешни работи на Грција, Јоргос Катругалос на денешната расправа на Комисијата за надворешни работи и одбрана, јави дописничката на МИА од Атина.

Амбасадорот на мисијата на ЕУ во Тирана, Луиџи Сореца денеска ја повтори пораката дека земјите од ЕУ ги следат резултатите на албанската Влада во борбата против корупцијата и организираниот криминал.

Нешто по 10.30 часот по локално време, продолжи со работа Комисијата за надворешни работи и одбрана во грчкиот Парламент во однос на нацрт законот според кој се ратификува и стапува на сила Договорот од Преспа.

Европската комисија ќе ја предупреди Бугарија поради практиката на давање пасоши на странци за инвестиции, јавија локалните медиуми.

Испитувањето на пулсот на јавноста почна уште кон крајот на 2018 година со тврдењата на владејачката Српска напредна партија (СНС) дека со критиките на политичката сцена се доведува во прашање легитимитетот на партијата и дека најдобро решение е тоа да се провери на избори.

Во 10.30 часот по локално време, денеска продолжува расправата на Комисијата за национална одбрана и надворешни работи во грчкиот Парламент за нацрт закон според кој се ратификува и стапува на сила Договорот од Преспа, јави дописничката на МИА од Атина.

Две лица вечерва се приведени на плоштадот „Краина“ во Бања Лука, откако полицијата на 30 декември забрани собирања на групата „Правда за Давид“, објави босански „Фактор“.

Албанскиот Парламент денеска со 78 гласови „за“, без присуство на опозициските пратеници, ја одибри Уредбата со која актуелнот премиер Еди Рама ја презема и должноста министер за Европа и надворешни работи на Албанија.