Во среда во 10 часот по локално време започнува расправата во грчкиот Парламент за ратификација на Договорот од Преспа, а гласањето ќе биде во четврток вечер, брифираат извори од грчкиот Парламент, јави дописничката на МИА од Атина.

Претседателот на косовското Собрание Кадри весели утре ќе биде домаќин на состанокот со премиерот Рамуш Харадинај и амбасадорот на Соединетите Американски Држави Филип Коснет, на кој ќе се разговара за американското барање упатено до косовската Влада за укинување на таксата од 100 отсто на увозот од Србија и Босна и Херцеговина, јави дописникот на МИА од Приштина.

Пратеникот Јоргос Амирас го најави заминувањето од пратеничката група на Река поради несогласувањето со партиската линија во однос на Договорот од Преса и веќе е независен пратеник, јави дописничката на МИА од Атина.

Претседателот на Демократска левица, Танасис Теохаропулос, е избришан од пратеничката група на Движење на промена во кое коалицира заедно со ПАСОК поради неговиот став да гласа за ратификација на Договорот од Преспа, јави дописничката на МИА од Атина.

Косовскиот премиер Рамуш Харадинај утрово свечено ја откри таблата на влезот на новото Министерство за одбрана на Косово, со што симболично го одбележа подигнувањето на повисоко ниво на досегашното Министерство за безбедносните сили на Косово (ФСК), јави дописникот на МИА од Приштина.

Канадската фирма за истражување „Медголд рисорсис“ во јужна Србија, на границата со Бугарија и Македонија, пронашла одлични индикатори дека во таа област има богати наоѓалишта на благородни метали, јави Радио телевизија Војводина повикувајќи се на „Вечерње новости“.

Комисијата за национална одбрана и надворешни работи во грчкиот Парламент, попладнево ќе го разгледа нацрт законот за ратификација и стапување во сила на Договорот од Преспа, јави дописничката на МИА од Атина.

Претседателот на Албанија Илир Мета денеска престојува во посета на Подгорица, на покана од црногорскиот претседател Мило Ѓукановиќ.

Најмалку 40 повредени од кои 25 полицајци, еден фоторепортер и еден снимател, приведени 12, од кои уапсени седум лица, солзавец и сериозни инциденти, учество на околу 60 илјади граѓани, препукувања меѓу грчката Влада и Нова демократија, е билансот од вчерашниот протест на атинскиот плоштад Синтагма, пред грчкиот парламент, против Договорот од Преспа, јави дописничката на МИА од Атина.

Лидерот на најголемата грчка опозициска партија додава дека договорот е против „националното чувство“ и без согласност од другите партии, но и дека признава македонски јазик и идентитет, јави дописничката на МИА од Атина.