На вонредната седница албанскиот Парламент со гласовите на владејачкото мнозинство избра нови министри во Владата на премиерот Еди Рама.

Косовскиот вицепремиер и министер за надворешни работи Беџет Пацоли смета дека Владата, на чие чело е Рамуш Харадинај, не смее да го одбие барањето на Соединетите Американски Држави и треба да ја укине таксата од 100 отсто на увозот на производи од Србија и Босна и Херцеговина, јави дописникот на МИА од Приштина.

Висок претставник на американската Влада ја потврди поддршката на Вашингтон за работата на Специјалниот суд за Косово и ги повика косовските лидери да се воиздржат од употреба на јазик на омраза кон Судот, бидејќи, според него, иднината на Косово зависи од нивното однесување кон таа правна институција, пишува приштинскиот портал „Инсајдери“.

Бугарскиот Парламент одобри план на Владата за купување осум нови борбени авиони Ф-16 од САД што треба да ги заменат старите руски авиони МИГ-29.

Претседателот на Србија, Александар Вучиќ ќе му подари оригинален подарок на рускиот претседател Владимир Путин – куче шарпланинец, пишува „Блиц“.

Министерот за надворешни работи на Србија Ивица Дачиќ, изјави дека за време на состанок на делегациите на Србија и на Косово во Брисел, малку требало за да дојде до тепачка меѓу него и тогашниот косовски министер за правда, Хајредин Кучи.

Лигата на социјалдемократите на Војводина (ЛСВ) во пресрет на посетата на рускиот претседател Владимир Путин, порача дека „на Србија не и треба да клекне пред Путин, туку и треба проевропска алтернатива.“

Најголемата албанска опозициска сила,Демократската партија, го условува учеството на локалните избори на 30 јуни, со формирање преодна влада на чие чело нема да биде актуелнот премиер Еди Рама.

Европската унија нема стравувања за посетата на рускиот претседател Владимир Путин во Белград, рече премиерката Ана Брнабиќ, која порача дека е важно Србија да има добри односи со сите.

Во Северна Митровица денеска беше одбележана првата годишнина од се уште нерасветленото убиство на претседателот на партијата Граѓанска иницијатива „Србија, демократија, правда“ (СДП) и еден од лидерите на косовските Срби, Оливер Ивановиќ, јави дописникот на МИА од Приштина.