Минатата, 2018 година, беше една од најпродуктивните години во историјата на грчко-американските односи, оцени висок американски претставник на брифинг во грчката метропола, пренесува АНА-МПА.

Глас за доверба за Ципрас е еднакво на „да“ за Договорот од Преспа, рече претседателот на Нова демократија, Кирјакос Мицотакис, во интервјуто во централното издание на вестите на грчката телевизија Антена и додаде дека тоа значи продолжување на мандатот на владата која веќе има направено голема штета на земјата и упати повик до сите пратеници, „да ги земат предвид овие последици при нивниот избор“.

Пратеникот од Солун, Аристидис Фокас, кој во 2015 беше избран од Сојуз на централисти, а од септември минатата година е независен пратеник, утрово и се приклучи на пратеничката група на Независни Грци, јави дописничката на МИА од Атина.

На сите начини, што уставно ми стојат на располагање, ќе се борам владата да не добие доверба, бидејќи тоа е поврзано со Договорот од Преспа и ќе направиме сѐ што можеме, во и вон Парламентот да го блокираме договорот, рече лидерот на Независни Грци, Панос Каменос во интервју за централното издание на вестите на грчката телевизија Стар, јави дописничката на МИА од Атина.

Српскиот министер за трговија Расим Љајиќ поднесе пријава против себе до Јавното обвинителство за организиран криминал во Белград, откако лидерот на опозициската Српска радикална партија (СРС), Воислав Шешељ го обвини дека е „шеф на нарко картел“.

Пратеникот од Река, Спирос Данелис ќе гласа за доверба на грчката Влада, наспроти партиската линија, а со синоќешната негова одлука се чини веројатно дека веќе се собрани неопходните151 глас, јави дописничката на МИА од Атина.

Албанија го охрабрува постигнувањето финален договор меѓу Белград и Приштина, што ќе го поддржат и САД и ЕУ, изјави албанскиот премиер Еди Рама.

Во пресрет на расправата за доверба на грчката Влада и утрешното гласање, владиниот портпарол и министер без ресор на Грција, Димитрис Ѕанакопулос, смета дека Владата ќе добие доверба и ќе може да продолжи да ја води земјата.

Во 12 часот по локално време, во грчкиот Парламент ќе започне седницата за обновување на довербата на Владата, по барање на премиерот на Грција, Алексис Ципрас, а ќе заврши во утревечер со гласање доверба, јави дописничката на МИА од Атина.

Пратеникот од партијата Река, Спирос Данелис ќе гласа за доверба на грчката влада, наспроти партиската линија, а со синоќешната негова одлука се чини дека се комплетира „пазлот“ и веројатно е дека веќе се собрани неопходните151 глас за изласување доверба, јави дописничката на МИА од Атина.