Грчкиот Парламент денеска во 12 часот по локално време (11 часот по средноевропско време) ќе ќе ја започне седницата за изгласување доверба на Владата, по барање на премиерот на Грција, Алексис Ципрас, која ќе заврши утре вечер со чинот на гласање, јави дописничката на МИА од Атина.

Договорот од Преспа уште од потпишувањето придонесува во зајакнувањето на мирот и стабилноста на Балканот, воедно е и меѓународно признат модел за решавање на разликите меѓу две независни суверени држави под покровителство на ОН, без мешање на трети страни, соопштуваат од Министерството за надворешни работи

Амбасадорите на мисиите на ЕУ и на ОБСЕ во Тирана, Луиџи Сореца и Бернд Борчард, на денешната попладневна средба со лидерот на Демократската партија, Љуљзим Баша, побараа од албанската опозиција да се врати во Парламентот за изборните реформи.

Албанскиот претседател Илир Мета реагираше на веста што сам ја објави на Твитер премиерот Еди Рама дека ја презема и должноста шеф на албанската дипломатија, оценувајќи дека Претседателот на државата е доследен на својата работа.

Хрватскиот министер за одбрана Дамир Крстиќевиќ денеска, откако Владата ја поништи одлуката за набавка на израелски борбени авиони, изјави дека ќе започне нов процес за набавка на борбени авиони.

Косовскиот премиер Рамуш Харадинај изјави дека неговата Влада може да ја укине привремено таксата на увозот од Србија и Босна и Херцеговина, единствено ако се добијат меѓународни гаранции дека ќе се седне и ќе се потпише конечен договор, кој ќе резултира со меѓусебно признавање на двете држави, јави дописникот на МИА од Приштина.

Затвореник од Албанија денеска беше убиен во атинскиот затвор „Коридалос“ од двајца негови сонародници, исто така затвореници.

Ние нема да се откажеме од нашата посветеност кон дијалог и кон компромис со цел да се најде сеопфатно, долготрајно и стабилно решение. Србија останува посветена на принципите на меѓународното право, рече шефот на дипломатијата Ивица Дачиќ на приемот во Белград во Министерството за надворешни работи за дипломатите и главните и одговорни уредници на медиумите.

Српскиот претседател Александар Вучиќ изјави денеска дека евентуалното одржување предвремени избори зависи од опозицијата и дека тие ќе се случат, ако го побараат тоа. Тој рече дека не го интересираат критиките на социјалните мрежи поради најавата за заострување на казнената политика против криминалците и додаде дека ова нема никаква врска со можните вонредни избори, јави дописникот на МИА од Белград.

Владата на Рамуш Харадинај ги демантира информациите кои се појавија денеска во медиумите дека Соединетите Американски Држави испратиле ултиматум со барање за укинување на таксата од 100 отсто на сиот увоз од Србија и Босна и Херцеговина, јави дописникот на МИА од Приштина.