Минусните температури и снегот однесоа уште една жртва во Албанија, јави дописникот на МИА.

По изјавата на министерката за туризам на Грција, Елена Кундура дека ја поддржува грчката Влада, Панос Каменос, преку неговиот официјален Твитер профил ја отстрани од пратеничката група на Независни Грци, јави дописничката на МИА од Атина.

Министерката за туризам на Грција, Елена Кундура, која е од редовите на Независни Грци, преку изјава за грчката новинска агенција АНА-МПА, вели дека ја поддржува владата и порачува дека не преговара за нејзиното право да гласа онака како што и налага совеста, јави дописничката на МИА од Атина.

Спасувачките тимови во еден од одводните тунели на хидроцентралата „Дубровник“, кај хрватскиот место Плат, го пронајдоа телото и на третиот работник, кој се видеше како исчезнат по експлозијта и пожарот во електраната, што се случи во четвртокот.

Решеност да оди до крај за Договорот од Преспа изрази грчкиот премиер Алексис Ципрас, порачувајќи дека исто како што соседите не се повлекоа, така и Грција нема да се повлече.

Изгласаните уставни измени во македонското Собрание и префрлената топка на соседниот терен, донесоа турбуленции во грчката Влада и бурен ден во Грција, но и најава за уште побурна седмица со гласање доверба на Владата на премиерот Алексис Ципрас, а веројатно веднаш потоа и ратификација на договорот, јави дописничката на МИА од Атина.

Црногорската полиција кај Улцин во возило пронашла и запленила 207 килограми марихуана и го уапсила возачот.

Весели, кој беше еден од водачите на ОВК и шеф на нејзините разузнавачки служби за време на војната во Косово во 1998-99 година и во периодот по осамостојувањето на земјата, преку својата страница на Фејсбук порача дека „за борбата на ОВК постои само една вистина“.

Целосно oчекувано е излегувањето на Панос Каменос од Владата и тоа нема да влијае на усвојувањето на Договорот од Преспа во грчкиот Парламент освен мало пролонгирање на неколку денови, коментираат високи владини извори за МИА.

Најголемата грчка опозициска партија Нова демократија за последните случувања во грчката Влада коментира дека станува збор за режирана разделба на Ципрас и Каменос.