Процесот на ратификација на Договорот од Преспа во Грција ќе започне веднаш по завршувањето на уставните измени, а протоколот за НАТО ќе биде ратификуван подоцна од технички причини, вели во интервју за телевизијата Open TV грчкиот премиер Алексис Ципрас, кој детално ги опиша последните чекори кои Владата ќе ги преземе откако договорот во Македонија ќе стапи на сила.

На средбата во премиерската палата во Атина, грчкиот премиер и германската канцеларка, меѓу другото разговараа и за Договорот од Преспа, но и за европската перспектива на земјите од регионот.

За нов циклус и нова ера во билатералните односи, говореа вечерва грчкиот премиер Алексис Ципрас и германската канцеларка Ангела Меркел на заедничката прес-конференцијата по нивната средба во Атина.

Албанскиот премиер Еди Рама вечерва во обраќањето пред дипломатскиот кор во Тирана изјави дека неговата земја го подржува дијалогот Косово-Србија и оти него треба да го гарантираат САД и ЕУ.

Израел официјално го информира хрватското Министерство за одбрана дека не може да добие дозвола од САД за испорака на авиони од типот „Ф-16 Барак“ од американско производство на Хрватска, изјави денеска хрватскиот министер за одбрана Дамир Крстиќевиќ.

Албанскиот премиер Еди Рама остро, со навреди и со ни малку дипломатски речник, се обрати кон сите оние кои го поддржаа претседателот Илир Мета во неговата одлука да не ја потпише уредбата за именување на Косовецот Гент Цакај за нов министер за Европа и надорешни работи на Албанија.

Портпаролката на високата претставничка на ЕУ за надворешна политика и безбеднист Федерика Могерини, Маја Коцијанчич денеска изјави дека дијалогот меѓу Белград и Приштина го води нејзината шефица, а оти САД се само партнер со кој „постои блиска соработка за низа прашања, вклучувајќи го и Западниот Балкан“.

Студенти на приштинскиот Државен универзитет „Хасан Приштина“ денеска излегоа на протестен марш и собир пред Владата и Собранието на Косово со барање до Европската Унија да ги укине визите за патување на косовските граѓани во земјите на ЕУ, јави дописникот на МИА од Приштина.

Косовскиот премиер Рамуш Харадинај денеска се сретна со копретседателите на државниот тим за преговори со Србија, лидерот на Социјалдемократската иницијатива (Нисма) и вицепремиер Фатмир Лимај и првиот човек на Социјалдемократската партија (ПСД) и градоначалник на Приштина, Шпенд Ахмети, кои го информираа за нивната завчерашна посета на Брисел и текот на разговорите со претставниците на Европската унија.

Еден работник загина, а двајца други се водат како исчезнати, при експлозија во хидроцентралата „Дубровник“ во близина на хрватското место Плат.