КФОР денеска почна воена вежба во Косово, која ќе трае до 11 јануари.

Авион од авиокомпанијата „Јуровингс“ (Eurowings) по полетувањето од Келн со крајна дестинација Солун, бил погоден од гром, објави третиот канал на грчката државна телевизија ЕРТ.

Бугарската Влада одобри план за почеток на преговори за купување борбени авиони „Локид Мартин Ф-16“ од САД, за да ја замени својата флота руски ловци „Миг-29“, изјави денеска министерот за одбрана Красимир Каракачанов.

Црвените линии се централната тема во спотот, но и на новото лого на Независни Грци. Партијата коалициски партнер во грчката Влада, денес објави кус спот за партијата, а пораките што се упатуваат од дел од грчките медиуми се толкуваат како збогување и најава за повлекување од владата, јави дописничката на МИА од Атина.

Косовскиот специјален обвинител Суљ Хоџа изјави дека од Србија до сега нема добиено извештај за убиството на еден од лидерите на косовските Срби, Оливер Ивановиќ, што се случи во јануари минатата година во северна Митровица, јави дописникот на МИА од Приштина.

За утре или за задутре е одложен состанокот на пратеничката група на Независни Грци, објавија грчките медиуми.

Секој десетти вработен во Словенија е странец, а речиси половината од странските работници доаѓаат од Босна и Херцеговина.

Албанија во 2018 година беше една од главните земји за потекло на нелегалната трговија на секаков вид стоки во Италија, се наведува во извештај за националната безбедност во италијанските пристаништа во текот на минатата година.

Членовите на Адвокатската комора на Косово (ОАК) од денеска стапија во генерален бојкот на судовите, обвинителствата и полицијата, со барање Судскиот совет на Косово (КЃК) да ја повлече препораката за ограничување на присуството на адвокатите и странките во судовите, јави дописникот на МИА од Приштина.

Успешноста на дијалогот Косово-Србија ќе придонесе за европската иднина на двете земји и за консолидација на соживотот и мирот во регионот, оцени денеска албанскиот претседател Илир Мета по средбата со лидерот на косовското опозициско Движење Самоопределување (ВВ), Албин Курти, кој престојува во Тирана.