Помпео, како што јави Босанско-херцеговската радио телевизија, ги повика членовите на Претседателството на БиХ да ја прифатат Националната програма, што НАТО ја овозможи со неодамнешната одлука за Акцискиот план за членство на БиХ во НАТО.

Премиерот на Албанија, Еди Рама на Твитер ја поздрави идејата на косовскиот претседател Хашим Тачи, кој изјави дека е време 2019 да биде прогласена за година на НАТО.

Србија, по Хрватска и Грција во последните десет години, е земја со најмал економски раст на Балканот, а најверојатно и во Европа, оцени соработникот на Виенскиот институт за меѓународни економски студии, Владимир Глигоров.

Косовскиот премиер Рамуш Харадинај одби да ги коментира најавите на пртетседателот на државата Хашим Тачи за можноста да се укине таксата од 100 отсто на увозот од Србија и од Босна и Херцеговина, но нагласи дека одлуката за воведување на таа мерка ја донесе неговата Влада, јави дописникот на МИА од Приштина.

Грчката политичка партија Река преку соопштение одговара на сценаријата во Грција, како во однос на ратификацијата на Договорот од Преспа, така и во однос на евентуалното гласање доверба на грчката влада.

Kабинетот на грчкиот премиер Алексис Ципрас го повика лидерот на опозициската партија Нова демократија, Кирјакос Мицотакис да достави предлог за гласање недоверба на Владата, јави дописничката на МИА од Атина.

Министерството за внатрешни работи на Косово соопшти дека негово службенон возило претпладнево имало сообраќајна несреќа во Приштина, но ги демантираше информациите на некои медиуми дека во возилото бил ресорниот министер Екрем Мустафа.

Директорот на српската владина Канцеларија за Косово и Метохија, Марко Ѓуриќ изјави дека Србија сака да постигне компромис со Приштина, но дека е сосем сигурно оти Албанците „не сакаат дијалог и постигнување компромис“.

Во пресрет на посетата на Ангела Меркел на Атина, која освен со претседателот и премиерот на Грција ќе се сретне и со лидерот на Нова демократија, портпаролката на грчката опозициска партија, Мариа Спираки, вели дека Мицотакис на германската канцеларка ќе ѝ ја повтори позицијата на неговата партија во однос на Договорот од Преспа.

За стратешкиот дијалог Грција- САД, за билатералните односи, но и за Договорот од Преспа, разговарале алтернативниот шеф на грчката дипломатија, Јоргос Катругалос, и американскиот амбасадор Џефри Пајат на нивната средба во Министерството за надворешни работи, објави грчката новинска агенција АНА-МПА, повикувајќи се на дипломатски извори.