По упатените меѓусебни критики во грчкиот Парламент меѓу Алекис Ципрас и Кирјакос Мицотакис за Договорот од Преспа за време на расправата за буџетот во вторникот, препукувањата на релација влада – опозиција се префрлија на ниво на соопштенија од двете страни, јави дописничката на МИА од Атина.

Поранешниот австриски канцелар Ерхард Бузек смета дека ЕУ мора да ја промени својата стратегија кон Западниот Балкан и треба сите земји од регионот веднаш да ги прими во членство.

Двете најголеми косовски опозициски партии, Демократскиот сојуз на Косово (ЛДК) и Движењето Самоопределување (ВВ) најавија дека ќе се обратат до Уставниот суд во врска со одлуката на претседателот Хашим Тачи за именување членови на Централната изборна комисија (ЦИК), јави дописникот на МИА од Приштина.

Началникот на Генералштабот на грчката Армија, Евангелос Апостолакис ја предупреди Турција дека Грција е решена да одговори во случај на „ескалација на турските провокации“.

Со писмата што ги испрати до претседателите на Србија и на Косово, Александар Вучиќ и Хашим Тачи, првиот човек на САД, Доналд Трамп во пракса официјално ја стави на маса идејата за разграничување како решение за косовскиот проблем, оценува во денешното издание белградскиот весник „Блиц“.

Укинувањето на таксите од 100 проценти за увоз на српски производи во Косово, ќе зависи од однесувањето на Србија, изјави синоќа претседателот на косовското Собрание, Кадри Весели.

Косовскиот премиер Рамуш Харадинај изјави денеска дека посакува добри односи со Босна и Херцеговина и ја разбира вознемиреноста на таа држава за таксата од 100 отсто што неговата Влада ја воведе за увозот на производи од БиХ, но порача дека таа нема да се укине до признавањето на косовската независност од страна на Сараево и Белград, јави дописникот на МИА од Приштина.

Лидерот на ПСД и градоначалник на Приштина, Ахмети, по седницата објави дека на состанокот е одлучено до 15 јануари до Владата на Косово да се проследи нацрт-закон за дијалогот меѓу Косово и Србија.

Грчки владини извори коментираат дека претседателот на Нова демократија, Кирјакос Мицотакис и лидерката на Движење на промена, Фофи Генимата, ставот за „наводно признавање на македонска националност“, го користеле како изговор за да не го поддржат Договорот од Преспа, бидејќи не се грижат за националните интереси, јави дописничката на МИА од Атина.

Грчкиот премиер Алексис Ципрас в петок ќе го посети Белград и ќе оствари средба со српскиот претседател Александар Вучиќ, соопшти кабинетот на шефот на српската држава.