Грчкиот Парламент вечерва на полноќ ќе гласа за буџетот за следната година, кој Владата го најави како „прв постмеморандумски“ и прв што наместо штедење и кратења, носи позитивни мерки за граѓаните, јави дописничката на МИА од Атина.

Косовскиот премиер Рамуш Храдинај по денешната седница на Владата изјави дека очекува Европската Унија наскоро да донесе одлука за визна либерализација за граѓаните на Косово, јави дописникот на МИА од Приштина.

Високата претставничка на ЕУ за надворешна политика и безбедност Федерика Могерини и еврокомесарите за трговија и за проширување, Сесилија Малмстром и Јоханес Хан му упатија ново писмо на косовскиот премиер Рамуш Харадинај, во кој наведуваат дека со едностраните акции го загрозил напредокот, кој досега е постигнат со дијалогот Белград-Проштина.

Амбасадорот на Обединетото Кралство во Косово, Руаири О’Конел, по денешната презентација на извештајот на Институтот на Косово за право (ИКД) за „Правдата во врска со интегритетот на правниот систем во борбата со корупцијата“, изјави дека се чувствува посрамен поради неказнувањето на косовските функционери за корупција, јави дописникот на МИА од Приштина.

Претседателот на Србија, Александар Вучиќ изрази задоволство од резултатите на седницата на Советот за безбедност на Обединетите нации во Њујорк.

Грчката економија постепено се опоравува, воглавно како резултат на динамиката на извозот и на зајакнувањето на приватната потрошувачка, стои во месечна анализа на грчката Унија на фирми и индустријалци.

Во Апелацискиот суд во Атина денеска беше спроведена евакуација на вработените и посетителите по две анонимни дојави за поставени бомби во судот.

Санкциите, кои САД ги воведе против претседавачот со Претседателството на Босна и Херцеговина Милорад Додик, остануваат во сила, потврди заменикот државен секретар на САД Џон Саливан, кој се сретна вчера в Сараево со членовите на тричленото босанско Претседателство.

Новата Влада на Република Српска (РС), чиј премиер е Радован Вишковиќ, е избрана доцна синоќа во Народното собрание. По 13-часовна седница, половина час по полноќ, за изборот на Вишковиќ гласаа 54 пратеници, против беа девет, а воздржани четворица.

Албанскиот претседател Илир Мета, го повтори својот став со кој барањата на студентите, кои протестираат веќе две недели, ги смета за легитимни и спроведливи.