Грчкиот премиер Алексис Ципрас во писмена изјава, а лидерот на Нова демократија, Кирјакос Мицотакис со посета на телевизијата, го осудија денешниот бомбашки напад врз телевизијата Скај.

Словенечкиот министер за надворешни работи Миро Церар за Вашингтон пост изјави дека американската адмнинистрација треба посилно да се ангажира во Југоисточна Европа, ако не сака јакнење на влијанието на Русија и на Кина во тој дел од Европа.

Претседателот на Косово, Хашим Тачи пред денешната седница на Советот за безбедност на Обединетите нации, на која ќе се расправа за трансформацијата на Безбедносните сили на Косово (ФСК), порача дека таа воена сила не претставува закана и не треба никого да плаши.

Ставот дека Река сака решение на спорот со името и уште од почеток е со јасна позиција, го повторува лидерот на партијата, Ставрос Теодоракис во интервју за грчкиот весник „Етнос“ и додава дека „Грција не е во опасност од северните соседи“.

Приштинскиот Студентски парламент денеска ќе одржи пред Ректоратот на државниот универзитет „Хасан Приштина“ во главниот град на Косово, со барање за подобрување на условите за студентите и за зголемување на правата за претставување на нивните интереси, јави дописникот на МИА од Приштина.

Покрај воената отштета што косовските власти најавија дека ќе ја бараат од Белград, на списокот со барања на Приштина се и дел од имотот на поранешна СФР Југославија, вклучително и одреден број објекти на дипломатски и конзуларни претставништва во странство, воени објекти и дел од архивата, пишува „Вечерње новости“.

Господине Ципрас, не ја спасивте Македонија, единствено што направивте е да им дадете македонска националност и јазик на соседите, му порача лидерот на грчката опозициска партија Нова демократија на грчкиот премиер, кој во петокот од Солун рече дека „левицата не ја продава Македонија, туку со Договорот од Преспа го спасува културното и историското наследство на грчката Македонија, јави дописничката на МИА од Атина.

Силна експлозија одекна ноќеска во дворот на грчката телевизија Скај, предизвикувајќи само материјална штета на објектот, јави дописничката на МИА од Атина.

На барање на Русија и Србија денеска ќе се одржи седница на Советот за безбедност на ОН посветена на формирањето на косовската Војска, на која ќе се обратат и претседателите на Србија и на Косово, Александар Вучиќ и Хашим Тачи.

Поранешниот шеф на грчката дипломатија, Никос Коѕијас препорачува гласањето во грчкиот парламент за преспанскиот договор да се врши тајно и секој од пратениците да гласа според својата совест. Тој е убеден дека со поддршката на некои помали партии ќе се обезбеди мнозинство гласови во парламентот.