Шефот на српската дипломатија Ивица Дачиќ денеска најави оти Белград ќе побара одржување на итна седница на Советот за безбедност на Обединети нации поради формирањето на Војска на Косово.

Денес се стремиме да пратиме порака на демократија, помирување, солидарност и разбирање, а во исто време, на најкатегоричен начин да изјавиме дека Македонија, Солун и Северна Грција не заслужуваат национализам, омраза и нетолеранција, вели портпаролот на грчката Влада и министер без ресор, Димитрис Ѕанакопулос во пресрет на говорот на Алексис Ципрас во Солун.

Високата претставничка на Европска унија за надворешна политика и безбедност Федерика Могерини на 19 декември ќе организира состанок со лидерите на Западен Балкан, најави Европска комисија.

Заменичката на генералниот секретар на НАТО, Роуз Готемелер од Тирана го повтор ставот на Алијансата дека жали што косовскиот Парламент донесе одлука за трансформација на Косовските безбедносни сили во армија и покрај спротиставувањето на Алијансата.

Владата на Косово им го честита на своите граѓани формирањето на војската на Косово, воедно порачувајќи му на НАТО дека од денеска таа организација се стекна со еден верен и посветен сојузник, јави дописникот на МИА од Приштина.

Лица од српска националност се собраа денеска во Северна Митровица на протести поради формирањето на Војската на Косово, јави дописникот на МИА од Приштина.

САД го поздравија Косово за изгласувањето во Парламентот за формирање армија и ја потврдија својата „поддршка за трансформирањето кон сили со мандат за територијална одбрана, суверено право кое го има Косово“.

Албанија како членка на НАТО нè прави побезбедни, изјави денеска во Тирана, заменик генералниот секретар на Алијнсата, Роуз Готемелер по средбата со албанскиот министер за Европа и надворешни работи Дитмир Бушати.

Грчката партија Река на вчерашниот состанок на политичкиот совет и на парламентарната група, во врска со Договорот од Преспа, го потврдила ставот дека тие поддржуваат решение, но ги очекуваат точните формулации на уставните амандмани што ќе се гласаат во Собранието, „каде што ќе се покаже степенот на адаптација на новата реалност од страна на соседите”.

Српската премерка Ана Брнабиќ изјави дека денешниов ден кога Собранието во Приштина гласаше за законите за трансформација на Косовските безбедоносни сили во војска на Косово, „не е ден кој придонесува кон стабилност во регионот“, додавајќи дека Србија ќе продолжи со својот пат кон стабилност и мир.