Лидерот на Српска листа, Горан Ракиќ изјави дека со усвојување на законот за формирање војска на Косово, Приштина на најгруб начин ги нападна мирот и безбедноста, повикувајќи ги Србите да бидат воздржани и да не наседнуваат на провокации.

Последното истражување на јавното мислење во Грција, спроведено од агенцијата за рејтинг MRB Hellas, а објавено од информативниот портал „Реал“, покажува дека 7 од 10 Грци негативно го оценуваат Договорот од Преспа, исто толку сметаат дека договорот не ги гарантира грчките интереси, повеќе е наклонет и повеќе им служи на македонските интереси и во иднина ќе создаде сериозни проблеми, јави дописничката на МИА од Атина.

Албанскиот државен врв го поздрави формирањето вооружени сили на Косово, оценувајќи ја одлуката како историска.

Косовското Собрание со гласовите на сите присутни пратеници, на денешната пленарна седница ги усвоија законите со кои досегашните Безбедносни сили (ФСК) практично прераснуваат во Војска на Косово, јави дописникот на МИА од Приштина.

Седницата на косовското Собрание на кое ќе се гласа за формирање на војската на Косово, започна со едноминутен молк во знак на почит за, како што рече парламентарниот спикер Кадри Весели, „сите поколенија кои во различни околности, ги жртвуваа своите животи за овој ден“, јави дописникот на МИА од Приштина.

Косовскиот премиер Рамуш Харадинај, во пресрет на денешното гласање во Собранието за формирање војска на Косово, порача дека идните оружени сили на земјата „секогаш ќе бидат таму каде што се штити животот, достоинството и интегритетот на човекот“, јави дописникот на МИА од Приштина.

Додека грчкиот премиер Алексис Ципрас вечерва ќе има обраќање во Солун на тема „ДА за Македонија на демократијата и солидарноста – НЕ за омразата и национализмот“, во Атина ќе започне 12-от Конгрес на опозициската конзервативна партија Нова демократија со говор на партискиот претседателот Кирјакос Мицотакис.

Грчкиот премиер Алексис Ципрас вечерва од политички настан организиран од неговата партија СИРИЗА во Солун, ќе испрати порака дека областа Македонија, односно северниот дел на Грција, поддржува солидарност и демократија, а не национализам, омраза, поделба и нетолеранција.

Состојбата во северниот дел на Косово, населен со мнозинско српско население, и покрај напнатата атмосфера која владее деновиве во пресрет на денешното гласање во Собранието за формирање војска на Косово, утрово е мирна и не се забележани никакви проблеми, јави дописникот на МИА од Приштина.

Северниот дел на поделениот косовски град Митровица, населен со мнозинско српско население, утрово осамна покриен со српски знамиња, во пресрет на денешното гласање во косовскиот Парламент за формирање војска на Косово, јави приштинската агенција КосоваПрес.