Ќе треба да почекаме што ќе одлучи соседната земја, но ние како Грција треба да им помогнеме на малите земји од Балканот, да ги одведедеме во Европската унија, порача од грчкиот остров Крит, лидерот на партијата Река, Ставрос Теодоракис во изјава за грчката државна телевизија ЕРТ.

Косовскиот премиер Рамуш Харадинај изјави денеска дека идејата за корекција на границите е „мртва“ и им изрази сочувство на тие што се залагаа за размена на територии со Србија, јави дописникот на МИА од Приштина.

Од 7 до 20 октомври албанската Електродистрибуција ќе увезе 112 илјади мегават часови електрична енергија, во вредност од 9,3 милиони евра.

Основниот суд во Приштина и изрече мерка притвор во траење од 30 дена на Сузана Зогиани-Секираќа, која е осомничена дека со секира го убила својот сопруг Артан Секираќа во нивниот дом во местото Дол во округот Жира во Франција, јави дописникот на МИА од Приштина.

Европската комисија побара брза и темелна истрага за свирепото убиство на бугарската новинарка, Викторија Маринова, нагласувајќи дека „нема демократија без слободни медиуми“, јави дописничката на МИА од Брисел.

Претседателката на албанското опозициско Социјалистичко движење за интеграција (ЛСИ), Моника Круемади, изјави дека земјата се наоѓа во многу тешка економска и политичка состојба, за што, според неа, главен виновник е премиерот Еди Рама.

Полицијата на Босна и Херцеговина откри и заплени околу 900 килограми марихуана-сканк во камион со црногорски регистарски таблички.

Министерката за европски интеграции на Косово, Дурата Хоџа изјави дека прашањето на укинување на визите за косовските граѓани сега е целосно во рацете на Европската унија и очекува одлуката за либерализација да се донесе на почетокот на декември годинава, јави дописникот на МИА од Приштина.

На плоштадот „Аристотел“ во центарот на Солун последниве денови „никна“ илегален бегалски камп, откако група од десетици мигранти се сместија пред зградата на тамошната полициска станица, објави грчкиот весник „Елефтерос типос“.

Според првите неофицијални резултати, кои ноќеска ги објави Централната изборна комисија, новите членови на Претседателството на Босна и Херцеговина се Шефик Џаферовиќ кој освои 37,97 отсто од гласовите, Жељко Комшиќ со 49,47 отсто и Милорад Додик со 55,15 проценти.