Албанија и Европската Унија потпишаа договор за соработка помеѓу Тирана и Фронтекс, европската погранична агенција, за заедничка гранична управа.

Европскиот Парламент смета дека каков било договор меѓу Белград и Притшина може да биде прифатен само ако се договорат обете страни и ако се земе предвид стабилноста во регионот и меѓународното право, изјави синоќа известителот за Србија во ЕП Дејвид Мекалистер, истакнувајќи дека ЕП не е склон кон создавање етнички хомогени држави.

Првиот потпретседател на српската Влада и министер за надворешни работи Ивица Дачиќ синоќа изјави дека стратешка определба на Србија е членство во ЕУ за што се доказ обемните реформи кои земјата ги спроведува, усогласувањето со европските стандарди, изразената силна политичка волја за постигнување одржлив компромис со Приштина и регионалната соработка.

Атинскиот архиепископ Јероним синоќа ја откажа закажаната средба планирана за утрово со Вселенскиот патријарх Вартоломеј, објави „Катимерини“. Црковни лица го оценија овој настан како реткост, нагаѓајќи која порака сака да се испрати со тоа.

Српскиот претседател Александар Вучиќ изјави синоќа дека го поддржува договорот меѓу Скопје и Атина, но дека не го потценува народот во Македонија кој според него, испратил јасна порака.

Владата на Црна Гора денеска усвои нови законски решенија според кои е предвидена казна од 300 до 2.000 евра за лицето кое нема да стои за време на интонирање на националната химна.

Турција е важен стратешки партнер на ЕУ, но треба да се биде искрен во врска со нејзиното членство во Унијата, изјави бугарската министерка задолжена за претседавањето на Бугарија со ЕУ, Лилјана Павлова.

Апелацискиот суд во Приштина попладнево одлучи да му ја замени мерката притвор во траење од 30 дена со куќен притвор на пратеникот во косовското Собрание, Шкумбин Демалиај, обвинет за закани врз специјален обвинител, јави дописникот на МИА од Приштина.

Активисти и поддржувачи на ЛГБТИ заедницата во Косово на 10 октомври по вторпат ќе организираат Парадата на гордоста во Приштина, која се одржува во рамките на „Неделата на гордоста“, што започнува утре, јави дописникот на МИА од Приштина.

Шефицата на канцеларијата на Европската унија во Косово, Наталиа Апостолова побара од косовските институции да ги отсранат од своите редови официјалните лица кои се обвинети за корупција, јави дописникот на МИА од Приштина.