Шефицата на европската дипломатија Федерика Могерини денеска изјави дека постојат реални шанси во наредните месеци да се постигне сеопфатен и правнообврзувачки договор за нормализација на односите помеѓу Србија и Косово.

Балканот има капацитет да стане силно економско подрачје, изјави денеска во Подгорица бугарскиот премиер Бојко Борисов на прес-конференција по средбата со неговиот црногорски колега Душко Марковиќ.

САД не се спротивставуваат на разговорите за размена на територија меѓу Србија и Косово, но тоа не значи дека Вашингтон на крајот ќе го поддржи таквиот договор, пишува денеска лондонскиот весник „Гардијан“.

Албанската опозиција ќе ја бојкотира денешната седница на Парламентот, која е прва по летните одмори. Дел од раководството и пратениците отпатуваа за северниот град Скадар, каде во последните три месеци забележан е рапиден раст на криминалните дела, меѓу кои и шест, како што ги нарекуваат, „мафијашки убиства“.

Косовскиот премиер Рамуш Харадинај формира владин тим кој ќе ги води преговорите за нормализирање на односите меѓу Косово и Србија, што треба да продолжат во Брисел на 7 септември, јави допиисникот на МИА од Приштина.

Шефот на грчката дипломатија утре ќе присуствува на свеченото отворање на реновираниот објект на Генералниот конзулат на Грција во Измир, на кое ќе биде и неговиот турски колега Мевљут Чавушоглу, а ќе ја искористат можноста да остварат билатерална средба, соопшти Министерството за надворешни работи на Грција.

Во Босна и Херцеговина пред Апелацискиот суд почнува обновениот судски процес на воениот командант на тн Армија на БиХ во Сребреница, Насер Ориќ и неговиот соработник, Сабахудин Мухиќ.

Српскиот министер за надворешни работи, Ивица Дачиќ изјави дека се бара решение за косовското прашање и оти разграничувањето со Албанците е само една идеја, но дека нема други идеи.

Претседателството на Собранието на Косово одлучи вонредната седница, свикана на барање на опозицијата за расправа во врска со дијалогот со Србија и иницијативата на косовскиот претседател Хашим Тачи за „корекција на границите“, да се одржи утре со почеток во 10:00 часот, јави дописникот на МИА од Приштина.

Закотвени на пристаништата од 6 часот утрово се сите грчки бродови поради 24-часовниот штрајк на Поморската федерација на Грција.