Лидерот на косовското опозициско Движење Самоопределување (ВВ) Албин Курти го повика партиското членство да се мобилизира за, како што рече, „граѓански и мирни протести за да се застане на патот на криминалот кој се врши врз Косово и косовскиот народ“, јави дописникот на МИА од Приштина.

Косовскиот претседател Хашим Тачи вчера се сретнал со дипломатските претставници на САД, земјите членки на Европската Унија, ОБСЕ, КФОР и ЕУЛЕКС, при што изјавил дека сега е моментот за голем историски договор меѓу Србија и Косово, кој ќе предвидува и „корекција на границите“.

Драган Човиќ, член на босанското колективно Претседателство од редовите на хрватската заедница, денеска изјави дека положбата на Хрватите во Босна е комплицирана и дека државата не е организирана согласно потребите на Хрватите.

На меѓународниот аеродром во Тирана, албанската полиција одземала 84.000 долари и 3.500 евра од патник кој претходно не ги пријавил парите.

Бугарското Специјално обвинителство денеска соопшти дека поднело пријави против шест лица обвинети за перење пари. Според обвинението, еден од нив е Велчо Арабаџиев, син на бизнисменот Ветко Арабаџиев, кој е притворен на 72 часа. По таткото Ветко и мајката Маринела се трага со меѓународна потерница.

Германија се соочува со дуплирање на барањата за работни визи од балканските земји, а нејзините дипломати во регионот веќе не се во состојба да ги обработат сите барања, пишува „Шпигел“.

Српскиот претседател Александар Вучиќ изјави денеска дека се појасно е да ќе биде тешко да се дојде до било какво решение за Косово.

Сопствениците на странските компании кои имаат свои бизниси во Албанија добивката не ја користат за понатамошно проширување на активноста, туку веднаш ја транферираат во нивните земји. Експертот за економија, Селами Џепа, оценува дека ова е многу загрижувачка појава, бидејќи главен извор на странските инвестиции е реинвестираната добивка.

Со пораки за неопходноста од соработка и продолжување на евроинтеграциите со цел Европа да ја зајакне отпорноста на предизвикувачките кризи, како што е миграцијата, растот на популизмот и загрозување на основните вредности на Европска унија, хрватскиот премиер Андреј Пленковиќ денеска го отвори 13. Дубровник форум.

Српскиот претседател Александар Вучиќ и еврокомесарот за проширување и добрососедска политика Јоханес Кан денеска во Нови Сад пуштија во употреба мост, кој е граден на местот на стариот Жежелев Mост на Дунав, кој беше разурнат за време на бомбардирањето на НАТО во 1999 година.