Европскиот комесар за проширување и добрососедска политика Јоханес Хан на денешната средба со српската премиерка разговараше за идните чекори во пристапувањето на Србија во ЕУ, за дијалогот Белград - Приштина и за други теми.

Во Тирана татко монструм цели 16 години сексуално ја злоставувал сопствената ќерка. Во полиција го пријавила ќерката, која сега има 25 години, а почнал да ја злоставува уште од нејзината деветгодишна возраст.

Ставовите дека Договорот од Преспа „на соседите им отстапува македонски јазик и македонски идентитет“, но и дека Нова демократија нема да го ратификува ниту во овој ниту во следниот парламент уште еднаш ги повтори лидерот на најголемата грчка опозициска партија Кирјакос Мицотакис, говорејќи на настан организиран од подмладокот на Нова демократија.

Според податоци на хрватското Министерство за внатрешни работи, во минатата година во државата 625 луѓе извршиле самоубиство.

Албанија го поддржува продолжувањето на дијалогот меѓу Косово и Србија и го поттикнува спроведувањето на веќе постигнатите договори во текот на овој дијалог, со посредство на ЕУ.

Тројца министри од бугарската влада денеска поднесоа оставки по автобуската несреќа во која загинаа 17 луѓе и неколкумина беа повредени.

Од 30 до 35 илјади деца во Грција годинава нема да можат да одат во градинка, изјави државниот секретар во грчкото Министерство за труд Димитрис Карелас кој додаде дека минатата година тој број изнесувал меѓу 10 и 15 илјади.

Четворица македонски државјани, жители на Дебар се повреди во сообраќајната несреќа што претпладнето се случила на делницата Булќиза-Ќафа е Буалит, која е дел од автопатот „Руга е Арбрит“, јави албанската агенција Балкан веб.

Грција ќе продолжи да води повеќе димензионална и активна надворешна политика за да се зацврсти сликата на една земја фактор на стабилност, но и фактор на решенија за меѓународните проблеми, изјави грчкиот премиер Алексис Ципрас во говорот на почетокот на владината седница, кусо споменувајќи ја и надворешната политика како дел од приоритетите на Владата во новиот постмеморандумски период.

Британскиот весник „Економист“ денеска објави дека можно е „правиот план“ на српскиот и косовскиот претседател, Александар Вучиќ и Хашим Тачи, да е Србија да ја признае независноста на Косово, а за возврат, северниот дел од Косово да добие автономија.