Хрватската новинарка Ива Анзуловиќ денеска истурила кофа полна со фекалии пред влезот на хрватската Влада во Загреб. Според „Вечерњи лист“, ова е втор пат новинарката да го стори тоа, а причината е несериозноста во борбата против корупцијата во Хрватска.

Српскиот премиер Александар Вучиќ најави дека борбените авиони МиГ-29 кои Србија ги доби од Русија ќе бидат именувани според српски војници кои биле убиени во Косовската војна во 1999 година. Вучиќ денеска присуствуваше на церемонија по повод приемот на два од шесте донирани авиони.

Како што јави дописничката на МИА од Атина, речиси 8-минутното обраќање на Ципрас до јавноста беше полно со симболика, поврзувајќи ја актуелната ситуација во Грција и она што земјата го помина во изминатите осум години на финансиската криза со патешествието на „Одисеја“ од Хомер за да стигне до неговата родна Итака.

Промени во владиниот кабинет подготвува Алексис Ципрас, според грчките медиуми, а реконструкцијата би можела да се случи во следните денови.

Видео снимено од безбедносна камера на куќа од почетокот и ширењето на катастрофалниот пожар во источниот дел на областа Атина објави денеска онлајн изданието на грчкиот весник „Катимерини“

Австрискиот весник „Стандард" објави дека и Европската унија, Русија, Кина, САД и Турција ја користат трговијата и политиката за да го консолидираат влијанието на Балканот.

Косовскиот премиер Рамуш Харадинај уште еднаш се спортивстави остро на најавите на претседателот на државата Хашим Тачи за корекција на границите со Србија, порачувајќи дека таквите обиди претставуваат национално предавство и дека „секој кој посакува поместување на границите треба да знае дека повикува на нова војна“.

Албанското Министерство за внатрешни работи, по информацијата на медиумите за извештајот на ЦИА и острите обвинувања на опозицискиот демократски лидер Љуљзим Баша, реагираше со соопштение во кое појаснува дека „веста објавена во медиумите е неточна“.

Лидерот на албанските опозициски демократи Љуљзим Баша, реагирајќи на последниот извештај на американската разузнавачка агенција ЦИА во кој се наведува дека Албанија останува клучна земја за перење пари, трговија со оружје, наркотици и мигранти, изјави дека „Албанците не заслужуваат премиер поврзан со организираниот криминал“.

Министерството за надворешни работи на Косово соопшти попладнево дека со Гана има мошне добри односи, кои бележат само напредок од самиот почеток на признавањето на косовската независност, јави дописникот на МИА од Приштина.