Членовите на Комисијата на косовска влада за демаркација на границата, со собирање документација, почнаа со подготовки за обележување на линијата со централна Србија, изјави претседателот на комисијата Шпејтим Булиќи.

Од денеска започнува уривањето на куќите што претрпеа сериозна штета во пожарите во источниот дел на областа Атика на 23 јули.

Со обраќање до јавноста, грчкиот премиер, утре, ќе го означи крајот на меморандумската политика. Утрешниот ден е симболичен за Грција, бидејќи по три години, завршува програмата за финансиска поддршка, што според грчката влада значи и крај на 8-годишната економска криза.

По три програми за помош и осум години тешки економски реформи под надзор на меѓународните организации, Грција денеска се враќа самостојно на пазарите, но и претстои уште многу работа.

Косовскиот претседател Хашим Тачи најави дека дијалогот во Брисел за нормализиррање на односите меѓу Косово и Србија ќе продолжи во првата половина на септември, јави дописникот на МИА од Приштина.

Албанската полиција за два дена откри три групи со вкупно 88 нелегални имигранти главно од Сирија, во близина на преминот Капштица, на албанско-грчката граница кај Корча.

Британска државјанка, која синоќа падна во море од крузер, пронајдена е и спасена по девет часа, соопшти хрватското Министерство за одбрана.

Македонците од повеќе места во Република Албанија, во селото Ербеле, област Поле или Долни Дебар, кое се наоѓа во близина на македонската граница кај Дебар, го одбележаа денешниот голем христијански празник, Преображение Господово.

Грчката полиција во две одделни акции заплени 247 килограми марихуана внесена од Албанија.

По трагедијата што се случи во Италија,кога се урна надвозникот Моранди, при што загинаа 41 лице, албанските власти почнуваат со контрола на издржливоста на мостовите во земјата.