Се залагам за разграничување со Албанците, изјави денеска српскиот претседател Александар Вучиќ. – Да имаме територија за која не се знае како се третира и што кому му припаѓа, тоа е секогаш извор на потенцијални судири и проблеми, изјави тој денеска во Шид.

Цели семејства, баби и дедовци со внучиња, мајка со син, татко со две деца, брачни парови, странски државјани, две неидентификувани лица, 44 жени, 35 мажи и 11 деца содржи листата на 92. загинати во катастрофалните пожари во источниот дел на областа Атика на 23 јули, јави дописничката на МИА од Атина.

Од почетокот на летото, две лица на возраст од над 80 години починаа во Грција, додека 55 се заразени од вирусот Западен Нил, објави грчкиот весник „Катимерини“.

Наместо да организира фиести, Ципрас на 20 август да распише избори, порачува лидерот на опозициската Нова демократија, Кирјакос Мицотакис во интервју за „Athens Voice“.

Под мотото „Стоп за убивањето на жените и девојчињата“, активисти за човекови права, организирани од Мрежата на жени на Косово (МЖК), во понеделник, на 13 август, ќе организираат протест во Ѓаковица по повод убиството на една жена и на нејзината 9-годишна ќерка, што се случи на 6-ти овој месец , јави дописникот на МИА од Приштина.

Признат статус на Српската православна црква на Косово, како и неограничен период да се задржи правниот режим за 44 објекти, што претставуваат специфична зона на српската култура и верско наследство, ќе се најдат меѓу клучните барања на Белград во текот на дијалогот за сеопфатно решение за нормализација на односите со Приштина, пишува „Вечерњи новости“.

Во заедничка операција на црногорската полиција и Американската агенција за борба против наркотици (ДЕА), минатата недела биле запленети 20 тони хашиш со вредност од 65 милиони евра на црниот пазар, соопшти синоќа висок претставник на црногорската полиција Енис Баковиќ.

Доколку им се даде и најмала можност дури 70 отсто од младите би ја напуштиле Албанија и би заминале во некоја од земјите на Европската унија.

Во првиот натпревар од третото коло во квалификациите за Лигата на шампионите, ПАОК на домашен терен ја совлада Спартак од Москва со резултат од 3:2.

Белград и Приштина мора да покажат далековидост и флексибилност за да дојдат до договор што ќе биде применлив, одржлив и нема да создава нестабилност во ниту една од двете земји или во регионот, порача американскиот Стејт департмент.