На 74 лица се искачи бројот на жртвите во пожарите во околината на Атина, додека пак повредени се 187 лица, од кои 23 деца, соопшти портпаролката на грчката противпожарна служба, јави дописничката на МИА од Атина.

Косовскиот претседател Хашим Тачи денеска изјави дека,во моментот кога ќе се дознае вистината за убиството на еден од лидерите на косовските Срби, Оливер Ивановиќ, ќе се јави „голема главоболка“ во Белград, но и во Приштина, јави дописникот на МИА од Приштина.

Преку социјалните мрежи и преку грчките медиуми, граѓани во очај споделуваат фотографии од нивни роднини и пријатели кои што се исчезнати од вчера и бараат помош, а грчка компанија создаде интернет платформа за пронаоѓање на исчезнати лица.

Дијалогот што се води меѓу Белград и Приштина со посредство на Брисел, мора да води кон тоа Србија да го признае Косово како независна држава, се наведува во документот на американскиот Инстинтут „Исток-Запад“, што кон крајот на јуни му бил презентиран на српскиот државен врв, тврди белградскиот весник Данас.

Грчкиот премиер Алексис Ципрас денеска прогласи тридневна национална жалост за 50 жртви од пожарите во Грција, јави дописничката на МИА од Атина.

Од вкупно 1,19 милијарди евра кредити, со кои во првата половина од годината населението на Црна Гора се задолжило, 621 милион евра се готовински и ненаменски, а 367 милиони евра се станбени, соопшти Централната банка.

Албанското Обвинителство заплени имот на поранешниот главен обвинител кој е под истрага поради корупција и перење пари, објави денеска Обвинителството.

Природните катастрофи не познаваат граници и ги надминуваат споровите, соопштуваат од грчкото МНР и им се заблагодаруваат на сите за понудената помош и изразената поддршка и солидарност.

Откако доцна синоќа, грчкиот претседател беше известен од грчкиот премиер за трагичните последици од пожарот, Прокопис Павлопулос одлучи да ја откаже свеченоста по повод 44-годишнината од воспоставувањето на демократијата, јави дописничката на МИА од Атина.

Полицијата од албанскиот град Лежа,на патниот правец Фуш Круја-Мамурас, заплени 200 килограми марихуана и четири литри масло од хашиш.