Реакциите во двете земји покажуваат дека беше донесена храбра одлука во корист на двете држави и на регионот, вели албанскиот премиер Еди Рама во интервју за грчката новинска агенција АНА-МПА, коментирајќи ги реакциите и во Македонија и во Грција за Договорот од Преспа.

До 2024 година Црна Гора ќе издвои два отсто од бруто домашниот производ за одбрана, изјави денеска црногорскиот претседател Мило Ѓукановиќ на Самитот на НАТО во Брисел и најави нови мисии во Ирак и во Летонија.

Американскиот секретар за одбрана Џејмс Матис најави дека по самитот на НАТО во Брисел ќе ја посети Хрватска, каде ќе учествува на средба на министрите за одбрана на членките на Јадранската повелба во која влегуваат и Македонија, Албанија, Босна и Црна Гора.

Меѓународниот претставник во Босна Валентин Инцко денеска побара судството итно да реагира по изјавата на српскиот политичар Рајко Васиќ, кој се закани со нов геноцид врз Бошњаците.

Во Србија се регистрирани 11 случаи на заболени од западнонилска треска, од кои девет се потврдени, информираа од Институтот за јавно здравје на Србија „Др.Милан Јовановиќ Батут“.

Косовскиот претседател Хашим Тачи изрази надеж дека во наредните денови Косово ќе добие многу добри вести од Европската унија во врска со визната либерализација,

Вон животна опасност е 16-годишниот бегалец од Сирија, кој вчера беше повреден на Лезбос, откако 78-годишен земјоделец со ловечка пушка пукаше кон него и го повреди во пределот на главата и нозете.

Албанскиот премиер Еди Рама заработи кривична пријава поради „прикривање на вистина“ во случајот со прислушуваните разговори на Агрон Џафај, брат на актуелениот министер за внатрешни работи Фатмир Џафај, кој во Италија е осомничен за трговија со дрога.

Српската полиција, во соработка со Агенцијата за безбедност и разузнавање, уапси директори на три компании, кои се осомничени дека увезувале во земјата опасни материи.

Во обвинителството во Белград денеска беше сослушан 34 годишниот Горан Абдулов, осомничен дека во неделата со нож го убил 24 годишниот Марко Радовиќ, со кого бил во врска.