Со шест килограми и 560 грама хероин, спакувани во 13 пакети и скриени во шасијата на автомобилот, двајца странски државјани, доцна синоќа беа уапсени на влезот на грчкото пристаниште Игуменица, соопштуваат од грчката крајбрежна служба.

Со четири имиња на маса, ќе започне средбата Коѕијас-Димитров-Нимиц, бидејќи Атина го одби предлогот „Република Илинденска Македонија“. Потребно е да се најде сложено име што ќе „помине“ и во двете земји, пишува порталот „Њуз247“.

„Република Илинденска Македонија“ е симбол и олицетворение на иредентизмот според грчките опозициски партии Нова демократија и Демократската коалиција.

Решенија се решенијата со компромис, другата страна да има прагматизам и реализам за да најде решение, вели грчкиот министер за надворешни работи Никос Коѕијас по средбата со генералниот секретар на ОН, а во пресрет на денешната нова рунда разговори со неговиот македонски колега и медијаторот Нимиц.

Франција денеска упати охрабрување до властите во Македонија и Грција за продолжување на напорите за постигнување решение за името што се водат под покровителство на ОН, со цел постигнување на долгоочекуваниот договор.

Грчкиот претседател Прокопис Павлопулос имаше успешна операција на срцето, јави ТАСС.

Русија сака да ги унапреди односите со Европската унија поради нивната важност, а не поради несогласувањата меѓу ЕУ и САД околу иранскиот нуклеарен договор, изјави денеска портпаролката на руското Министерство за надворешни работи, Марија Захарова.

Ние јасно изјавивме дека преговараме врз основа на четирите имиња предложени од ОН, конкретно пакетот предлози од Нимиц, рече Алексис Ципрас од грчкиот Парламент.

Кинеската Влада е подготвена да стимулира стратешки инвестиции на кинеските компании во Бугарија, земјите од Западнот Балкан и во Централна и Источна Европа, изјави министерот за надворешни работи на Кина, Ванг Ји.

Стратешките интереси на Република Македонија за влез во унијата, фактот дека Македонија предолго чека пред вратата на ЕУ, но и надежта дека Грција конечно ќе даде зелено светло за македонската интеграција, ги истакна македонскиот амбасадор во Грција, Дарко Ангелов.