Претставници на земјите од Западен Балкан се обврзале да овозможат вработување на повеќе жени на подобро платени позиции, кои бараат повеќе квалификации, изјави регионалната директорка на Светска банка, Линда Ван Гелдер.

Албанскиот премиер и лидер на Социјалистичката партија, Еди Рама, на денешната средба со парламентарната група на партијата, информирајќи за средбата со францускиот претседател Емануел Макрон, рече дека добил силна поддршка и позитивни зборови.

Учеството на Македонија под уставното име на настан во Брисел, организиран од Европската народна партија, чиј член е најголемата грчка опозициска партија, е причина од СИРИЗА да упатат остри критики до Нова демократија.

- Станува збор за прашања што не се мали, за кои Скопје, за сега инсистира. Топката е на нивниот терен, вели Катругалос, додавајќи дека овие две прашања за Грција се од суштинско значење и предуслов за да постои решение и порачува дека „другата страна треба да ја направи неопходната отстапка“.

Европската унија ја поздравува посветеноста на Зaпаден Балкан на европските вредности и принципи и визијата за силна стабилна и обединета Европа.

Еврокомесарот за проширување Јоханес Хан, во интервју за грчкиот весник „Та неа“, изрази убеденост дека може да се постигне решение за името, и оценува дека во Софија нема да биде одлучувачката точка за тоа дали ќе има решение, туку тоа што е важно во овој процес е квалитетот на договорот.

Пред седиштето на Синодот на Бугарската православна црква во Софија денеска се одржува протест поради одлуката на бугарските владици да не учествуваат на одбележувањето на илјадагодишнината од основањето на Охридската архиепископија, што на 27 мај ќе биде одржано во Охрид.

– Тоа што е мој повик е дека и едните и другите добро разбираат дека немаме многу животи и дека изгубивме многу луѓе, и Србите и Албанците. Не само во меѓусебни судири туку и голем број кои засекогаш си заминаа од овие простори, изјави Вучиќ за албанската ТВ Клан и американската Еј-Би-Си.

За разликите што Грција ги има со соседите и напорите за изнаоѓање решение, како и за подготовките за претстојниот Самит на ЕУ- Западен Балкан, станало збор во телефонскиот разговор на премиерот на Грција, Алексис Ципрас со претседателот на Европскиот совет, Доналд Туск

Уставната промена не треба само да се предвиди, туку и да се примени во пракса пред ратификацијата на договорот, вели Јоргос Кумуцакос, одговорен за надворешна политика во грчката опозициска партија Нова демократија.