Европратеникот Ангел Џамбазки, од редовите на ВМРО-БНД на Красимир Каракачанов, вели дека отстранувањето на споменикот на македонскиот раволуционер Андон Јанев Лазов – Ќосето е всушност исполнување на договорот за добрососедство со Бугарија. Џамбазки пишува дека треба да се побара споменикот да и се даде на Бугарија и да се постави во Благоевград.

Грчкиот премиер Алексис Ципрас и шефицата на европската дипломатија Федерика Могерини на нивната денешна средба во Брисел разговарале за Турција и земјите од Западен Балкан, со акцент на Македонија и Албанија, објавуваат грчките медиуми, повикувајќи се на владини извори.

Нацрт спогодбата е подготвена, има околу 20 страници и се наоѓа во рацете на Алексис Ципрас, објави грчкиот информативен портал Иефимерида.

Не постои никаков притисок врз грчката страна за прашањето за името, вели портпаролот на владата на Грција Димитрос Ѕанакопулос во интервју за грчката државна телевизија ЕРТ.

- Прашањето за името на Македонија ќе биде на дневниот ред на средбата на грчкиот премиер Алексис Ципрас со германската канцеларка Ангела Меркел што ќе се одржи денеска во Брисел во рамките на неформалната средба на 27-те земји членки на ЕУ, објави грчкото издание „Зунгла“.

Спорот со името во текот на последните неколку месеци го разгорел сексуалното расположение на Грците, бидејќи тие двојно повеќе воделе љубов во споредба со претходно, покажуваат резултатите од истражувањето на грчкиот Андролошки институт, објави грчката новинска агенција АНА-МПА.

Алтернативниот шеф на грчката дипломатија, со допис до надлежните европски комесари, соопшти дека Грција ја поддржува кандидатурата на Македонија за членство во Јадранско –јонската иницијатива.

Грчката опозициска партија Нова демократија прашува зошто грчката Влада не излезе со коментар за употребата на фразата „македонски премиер“ од Меркел за време на вчерашната средба со Зоран Заев.

Состојбата во Европа е лоша, а ширењето на НАТО кон Македонија е конфронтирање- вака ја оцени ситуацијата во регионот рускиот шеф на дипломатијата, Сергеј Лавров кој е во посета на Белград. Изјави дека Русија го поддржува независниот курс на Србија.

Промена на Уставот и изнаоѓање име во кое нема да има траги од иредентизам во однос на границите, националноста и јазикот, се предусловите кои Македонија треба да ги исполни доколку сака да се интегрира во НАТО и Европската Унија, смета грчкиот претседател, Прокопис Павлопулос.