Филмот „Бикини Мун“ на Милчо Манчевски имаше кинопремиера во Њујорк во петокот, каде што присуствувале и дел од актерската екипа на чело со актерката Кондола Рашад, која ја игра насловната улога, и Вил Џеновиц и Сатја Сридхаран.

Својата прва улога во професионалната кариера Бред Пит ја оствари во црногорскиот филм „Темната страна на сонцето", во кој глумеше заедно со Милена Дравиќ.

Во Кинотеката на Македонија од денеска до 18 октомври ќе се одржува третиот Меѓународен филмски фестивал за духовни, хумани и културни вредности „Богородичен покров". На фестивалот се прикажуваат филмови со духовни, хумани, морални, религиски и семејни вредности и филмови од културното и духовно наследство.

Актерката Милена Дравиќ почина ноќеска во Белград на 79 години, по тешко боледување, јави Танјуг.

Фестивалот на дебитантски филм „Киненова“ во рамки на програмата „Балканската филмска уметност како европско културно наследство“ завршува вечер со проекции на „Пред дождот“ во 20 часот во Кинотека на Македонија и „Граница“ на Али Абаси во 22 часот во Кинотека на Македонија).

Со проекцијата на филмот „Се запрашавте ли кој пукаше?“ на Тревис Вилкерсон, вечер почнува заедничката филмска програма „Reality Has to Begin” на Музејот на современата уметност (МСУ) и Интернационалниот фестивал за документарни и кратки филмови „ДокуФест“ од Призрен, Косово.

Во Центарот за култура „Браќа Миладиновци“ од денеска до недела ќе се одржува второто издание на фестивалот „Drim Short Film Festival“ Струга.

Во рамки на програмата за Европско културно наследство на фестивалот на дебитантски филм „Киненова“ ќе бидат прикажани филмовите: „Устав на Република Хрватска“ на Рајко Грлиќ, „Пред дождот“ на Милчо Манчевски, „Погледот на Одисеј“ на Тео Ангелопулос.

Документарецот „Со љубов“ (Avec l’amour) на режисерот Илија Цветковски и продуцентот Атанас Георгиев премиерно ќе се емитува онлајн како прв „Филм на неделата“ на македонскиот стриминг-канал „Синесквер“ (Cinesquare), достапен во 13 земји од регионот. „Со љубов“ ќе може да се изнајми во секое време за 30 денари со регистрација на платформата, а може да се гледа во следните 48 часа од изнајмувањето.

Во кино „Милениум“ синоќа беше отворен 6. Филмски фестивал за деца и млади „Џифони Македонија“, со италијанскиот филм „По трагите на мојот татко“ на режисерот Марко Сегато.