Меѓународниот аеродром Скопје денеска доби ASQ награда за квалитет на аеродомски услуги за 2018 година од Меѓународниот совет на аеродроми (Airoport Council International ACI), која го рангираше како еден од најдобрите во Европа во категоријата до два милиона патници годишно, гледано од аспект на искуството на самите патници.

Картичка „Мој Карпош-моја картичка“ што на жители на Карпош им дава можност да користат одредени попусти при користење на услугите во над 250 фирми и компании што работат на територијата на локалната самоуправа: ресторани, кафулиња, спортски објекти, ординации, книжарници, но и кај производители на ИТ опрема, дизајн студија, сервиси, беше промовирана денеска од Општина Карпош, што го означи стартот на овој проект.

Градската библиотека „Браќа Миладиновци“ со финансиска поддршка од Град Скопје изминатиот период набави нова подвижна библиотека – Библиобус.

Од Град Скопје засега нема одговор кој и зошто дозволи сечата да продолжи. Од граганската иницијатива Го Сакам Водно поднеле 13 барања за трајно решавање и заштита на парк-шумата, но веќе три месеци никој не ги удиостоил со одговор.

ЈП „Комунална хигиена“-Скопје и невладината организација за екологија „Фор селект“, денеска потпишаа Меморандум за спроведување проекти за заштита на животната средина во населените места на кањонот Матка и течението на реката Треска, информираат од претпријатието.

Нов генерален директор на Пивара Скопје е Дан Тимотин, кој доаѓа на оваа функција од позицијата менаџер за продажба за Романија.

Како што соопштија од РЦУК-Скопје, по известување добиено од ЈП Водовод и канализација прекинот во снабдувањето со впда ќе трае од 09:00.часот до санирање на дефектот.

Државјанин на САД, вчера се здобил со тешки телесни повреди при пад на скијање на турнир што се одржувал во скијачкиот центар Копанки-Пелистер каде учествувал, информираат од МВР.

Поради изведување технички зафати во дистрибутивната електро-мрежа во Скопје, утре без електрична енергија ќе останат дел од потрошувачите во општина Гази Баба и Кисела Вода.

Хуманитарен Зоо базар ќе се одржи денеска во Зоолошката градина во Скопје поддржан од повеќе здруженија за заштита на животните, како и граѓански активисти.