Во Скопје денеска ќе се одржи традиционалната Дедомразовска трка, во која повеќе стотици учесници во дедомразовски костуми ќе трчаат во центарот на главниот град.

Поради магла и намалена видливост откажани се или пренасочени дел од летовите до и од Скопје, потврдија од М-НАВ за МИА.

Во Зоолошката градина во Скопје денеска и утре ќе се одржи забава за деца „Новогодишна Зоо Бајка".

Јавниот повик за субвенции за чистење оџаци е продолжен до 31 декември 2018 година, соопшти денеска Град Скопје.

– Некои ќе трчаат за да ја испратат успешната спортска година, некои ќе почнат со трчање (она познатото “од Нова година нема веќе зезање”), но сите заедно ќе се забавуваме најмногу и ќе си посакаме најубави желби во годината што доаѓа – велат од “Прв до врв“.

Скопје синојќа беше деветти најзагаден град во светот, покажуваа резултатите интернет порталот „Ер вижуал“, каде што се претставуваат збирните податоци од мерните станици во целиот свет.

Во завршна фаза е реконструкцијата и хортикултурното уредување на Финскиот парк во населба Ченто. Градоначалникот на Град Скопје, Петре Шилегов изврши увид во работите и напомна дека со уредување е опфатена зелена површина од околу 13.000 квадратни метри.

„Лајт џез клуб“, „Стара градска куќа“ и „Скопски мерак“ годинава се најдобри три ресторани во главниот град, избрани од Секторот за локален економски развој на Град Скопје во соработка со SWOT Research – специјализирана агенција со експертско знаење и искуство во анализа на квалитетот на услугата.

Учениците од ОУ „Димитар Миладинов“ од Скопје и деца од мали групни домови во рамки на иницијативата „Петок за млади @ФИТР“ денеска изработуваат новогодишни украси, честитки и слики, кои подоцна ќе бидат дадени на аукција за продажба, а собраните средства ќе бидат наменети за помош на дечиња од ранливите категории.

Во касарната „Страшо Пинџур“ утре ќе биде реализирана традиционалната предновогодишна активност „Пристигнување на Дедо Мраз со транспортен воен хеликоптер“, што е организирана од страна на воздухопловната бригада на Армијата на Република Македонија.