Претставниците на невладини здруженија и спортски субјекти денеска во Општина Кисела Вода имаа можност да учествуваат во креирањето на Буџетот на Општината за 2019 година, што во моментов е во подготвка.

Со врачување на 120 пакети со прехранбени продукти, облека и средства за хигиена, денеска се заокружи големата хуманитарна акција која Општина Карпош заедно со граѓаните и локалната администрација, ја спроведе по повод роденденот на општината 3. Ноември под мотото „Подај рака, донирај за твојот сосед“.

Градоначалникот на Општина Бутел, Велимир Смилевски денеска даде отчет за сработеното во првата година од неговиот мандат. Презентираше список на повеќе од 50 реализирани проекти, по што беа посетени четири локации на кои се завршени или се уште е во тек реализацијата на проектите.

Во Градскиот трговски центар синоќа беше отворен ресторанот „Umbrella“, каде се вработени десет лица со попреченост.

Денеска, се отвори Lounge барот „Umbrella”, кој е прв угостителски објект во Македонија што има вработено лица со попреченост. Овој кафе бар ќе им овозможи на оваа група граѓани, преку работа, активно да се вклучат во социјалниот живот и притоа да обезбедат личен приход.

Општина Карпош во текот на денот спроведе акција за отстранување графити со навредлива содржина испишани по фасадите на зградите, соопштија од Општината.

По повод празникот 13 Ноември, Денот на ослободување на Град Скопје, Атлетската федерација на Македонија во соработка со Град Скопје и градоначалникот Петре Шилегов ќе организираат атлетска ноќна улична трка во централното градско подрачје на 11 ноември, в недела, со старт и цел на плоштадот Македонија во близина на Триумфална капија.

Со воведувањето субвенции од Град Скопје за чистење оџаци, од 24 септември до денеска, согласно официјалните податоци на регистрираните оџачари, исчистени се вкупно 342 оџаци во главниот град.

Под покровителство на Агенцијата за млади и спорт (АМС) од 8 до 11 ноември Скопје ќе биде домаќин на традиционалниот боксерски турнир „Златен Гонг“ со кој се одбележува празникот на градот 13 Ноември.

Мерните станици на Министерството за животна средина и просторно планирање поставени во скопскиот регион покажуваат загадување на воздухот што според мерењата најзагаден бил меѓу 17 часот вчера попладне и 2 часот по полноќ.