„Јавна соба“ викендов одбележува три години постоење. По тој повод, во сабота од 21 часот ќе ги отвори вратите на трите ката. Најавува одлична музичка програма од, како што наведува, урбани музички ликови.

Во сабота во Зоолошка градина Скопје ќе се одржи хуманитарен настан за малата Сара Настеска од Охрид.

Република Македонија од денеска до 27 октомври е домаќин на 64-от европски форум на лајонсите кои на собирот во Скопје ќе градат стратегии за развој на лајонизмот во Европа, нови идеи за помош и поддршка на ранливите категории, лицата со делумно или целосно оштетен вид, како и други лица на кои им е потребна помош.

Во Општина Аеродром се уште се во тек разговори за изградбата на објектот кај „Мајчин дом“ за да се најде решение, како што велат оттаму, во интерес на граѓаните. Обесштетувањето на инвеститорот, како што наведуваат е неразумно бидејќи ќе предизвика крах на општинскиот буџет, а за давањето заменска парцела Општината е доведена во незавидна позиција бидејќи со донесениот ДУП во Аеродром нема друга соодветна парцела.

Општина Кисела Вода обезбеди повеќе прочистувачи за воздух за двете јавни детски градинки кои се во нејзина надлежност, а за една од нив обезбедни се и реквизити што ќе помогнат во развојот на дечињата.

Во општина Карпош нормално се спроведуваат сите детални урбанистички планови, освен трите што беа укинати од страна на Уставниот суд, оцени денеска градоначалникот на општина Карпош Стефан Богоев.

Од денеска (24. 10. 2018 година) до недела (28. 10. 2018 година) во редовниот линиски превоз ќе бидат вклучени и две привремени линии што ќе сообраќаат до СЦ „Борис Трајковски“.

Plogging кој претставува комбинација од џогирање и собирање отпадоци, прв пат се појави во Шведска, а денес е широко распространет во многу земји поради зголемената загриженост за загадувањето на природата со пластични отпадоци

Во постојана координација сме со екипите на БЕГ, се работи интензивно на терен за итно отстранување на дефектот и во рок од два дена, односно во петок, студентите сместени во студентскиот дом „Стив Наумов“ ќе имаат и топла вода и парно греење, информираат од Државниот студентски дом Скопје.

Најновите трендови во градежништвото со посебен акцент на енергетската ефикасност ќе може да се видат од денеска до недела на 15. Меѓународен саем за градежништво и 8. Саем на недвижности и инвестиции „Realexpo“. Паралелно со овие две саемски манифестации се одржува и 44. издание на „Технома 2018“ на кое на едно место се собрани компании од металургијата, електрониката, енергетиката и неметалите.