Со реконструкција на живеалиштето на жирафите денеска започна проектот за реновирање и реконструкција во Зоолошка градина Скопје.

Општина Центар иформира дека привршуваат последните подготовки за почетокот на новата учебна година во основните училишта. Во општинското основно училиште „Св. Кирил и Методиј“ при крај се градежните работи за обновување на ѕидните површини и за поставување нови подови.

За десет дена колку што трае акцијата за бесплатно приклучување кон системот за централно греење со кој управуваат лиценцираните компании основани од БЕГ АД пристигнале 110 барања за приклучок во новата грејна сезона 2018/2019 година, соопштија од БЕГ.

Интернационалниот уличен уметнички фестивал „Статуафест“ ќе се одржува на 14-ти и 15-ти септември на улицата „Македонија“ од 18 часот до полноќ.

Неформалното здружение „На Точак“ денеска на 76-тата Критична маса, заедно со велосипедистите во градот, ќе побараат од општините поголеми заложби во поддршката на здравиот транспорт во градот.

Без струја од 8:30 до 10:30 часот ќе останат корисниците од улиците Капиштец, Питу Гули, и дел од улицата „Димитар Пандилов“ во Општина Центар, и улицата 1513 во населба Пинтија.

Во манастирот во Матка крај Скопје денеска со Света Божествена Литургија и со народен собир ќе биде одбележан христијанскиот празник Успение на Пресвета Богородица (Голема Богородица).

Деведесет лица за неполни два часа денеска даруваа крв, во рамки на акцијата,што по повод празникот Успение на Пресвета Богородица, во Домот на Армијата ја организираат Црвениот крст и Институтот за трансфузиона медицина на Република Македонија. Акцијата почна во 9 часот, а ќе трае до 17 часот.

Крводарителска акција по повод празникот Успение на Пресвета Богородица ќе се одржи денеска во Домот на Армијата на Република Македонија.

Екипите на ЈП „Водовод и канализација“ во првите шест месеци од 2018 година имале 8.547 интервенции на водоводната мрежа во Скопје, односно ја реконструирале водоводната мрежа или изградиле нова мрежа на 33 делници во градот, санирале дефекти на водоводните линии, менувале водомери и други зафати.