Железничкиот сообраќај на потегот од железничката станица Лисиче до железничката станица Усје од денеска повторно се воспоставува, информираат од МЖ Танспорт АД Скопје.

Град Скопје соопшти дека во наредниот период ќе се изврши втората фаза од прскањето против ларви од комарци на подрачјето на град Скопје, која опфаќа авионско прскање и дезинсекција од земја.

Скопје од утре до петти август ќе биде домаќин на Европското првенство во кајак спуст на диви води за јуниори и за сениори до 23 години.

Десет образовни асистенти со завршено високо образование-профил дипломиран дефектолог, педагог, психолог, одделенски наставник, предметен наставник ќе бидат времено работно ангажирани во основните училишта во општина Кисела Вода.

Комуналните инспектори на Град Скопје извршија увид на јавните површини во делови од градот на кои се поставени импровизирани живеалишта и им изрекоа опомена на лицата кои се населени во близина на НБРМ, пред зградата на „Астера“ и на лицата лоцирани под Кале.

Екипи на ЈП Улици и патишта Скопје го чистат коритото на Вардар, согласно со Програмата за негово одржување како и на притоките на Вардар - реките Серава, Лепенец, Треска и на отворените канали на подрачјето на Град Скопје за 2018 година.

Општина Аеродром деновиве спроведе еколошка акција за расчистување на кабастиот отпад кој граѓаните несоодветно го оставиле на јавна површина.

Град Скопје соопшти дека се вклучил како партнер во европскиот проект на мрежата Креарт поддржан од програмата на Европската комисија „Креативна Европа“.

Да се тргне целокупната градежна механизација од сртот на Водно додека не се реши проблемот и Владата да излезе со официјален став за проектот, побараа на денешната прес-конференција пред Град Скопје од граѓанската иницијатива „Го сакам Водно“.

По триесет години од последната работна акција во Македонија, во главниот град деновиве се спроведува седумдневна работна акција „Скопје на нашите дланки 1963-2018“, во организација на Здружението на граѓани „Акцијаши“ од Скопје со поддршка на општина Гази Баба.