Општина Центар денеска ја почна акцијата „Цел Центар на точак” односно субвенционирање на купувањето велосипеди.

Полицијата во акциска контрола спроведена синоќа на територија на Скопје пронашла 88 возачи кои ја пречекориле брзината на движење и на 11 возачи кои управувале под дејство на алкохол.

Град Скопје соопшти дека во бараката број 15 (даночни одделенија) почнувајќи од 7 мај (понеделник) се воведуваат два приемни дена (вторник и петок) во текот на работната недела за прием на граѓани и дежурни правници ќе им бидат на располагање во периодот од 9 до 16 часот.

Здружението на граѓани за ретки болести Живот со предизвици и годинава ќе учествува на Скопскиот маратон заедно со групата Скопско Ноќно Трчање, за подигнување на јавната свест за ретките болести.

Поради закажани технички зафати во електро-системот без електрична енергија денес ќе бидат делови од општините Гази Баба, Арачиново, Кисела Вода и Карпош.

Во Домот на културата „Ѓорче Петров“ во четврток (3 мај) со почеток од 20 часот хуманитарен концерт ќе одржи младата пејачка Магдалена Алексовска и многу музички имиња.

Град Скопје во соработка со Министерството за труд и социјална работа и Агенцијата за вработување ќе спроведе обука на 25 невработени работоспособни лица. Обуката е предвидено да почне на 1 јуни и да трае три месеци. Пријавувањето почнува утре и ќе трае до 10 мај годинава.

Осумдест ученици од Средното електро-техничко училиште „Михајло Пупин“ од септември ќе учат по наставна програма која е профилирана за потребите за шест компании од Македонија, а по завршувањето на образованието, 57 матуранти ќе имаат загарантирано вработување.

По повод „Интернационалниот ден на желбата“, денеска во Скопје ќе се оддржи втората самостојна изложба насловена „13 Причини зошто“ на младата уметница Христина Тарабунова, која ќе биде од хуманитарен карактер.

Општина Центар соопшти дека работи на зголемување на безбедноста и на подигнување на свеста кај граѓаните и учесниците во сообраќајот.