Во организација на „Виз Ер Скопски маратон“, а под покровителство на Агенцијата за млади и спорт во Скопје на 8 октомври (недела) ќе се одржи улична трка „Скопје трча 10 км“.

Градот Скопје ги поканува граѓаните на големото велосипедско дефиле што ќе се вози на градските улици по повод 22 септември – Денот без автомобили и крајот на Европската недела на мобилност 2017.

Како што појасни Александар Трпковски од „Го Грин“ денеска на четири различни локации на младите кои ќе се движат со велосипеди ќе им бидат презентирани повеќе начини на употреба на алтернативен транспорт.

Нови 13 дефектолози ќе бидат ангажирани во осум училишта во општина Карпош кои ќе работат со ученици со посебни потреби – основци во училиштата на територијата на локалната самоуправа во рамки на проектот „Карпош за еднаквите во училиштата“.

Проектот за граѓанско учество на УСАИД попладне во „Јавна соба“ ќе го одбележи почетокот на тридневниот настан „Јас сум Цако“ во организација на Александар Матовски, добитник на наградата за младинско учество за 2016 година.

Младинска мобилна конференција „Bike ‘n Learn” на четири локации низ Скопје ќе се одржи денеска, во организација на Здружението на граѓани за одржлив развој и заштита на животната средина „Гоу грин“ и Центарот за истражување и информирање за животната средина „Еко-свест“.

Во рамки на Европската недела на движењето, што се одржува од 21 до 27-ми овој месец, денеска на платото пред фонтаната „Лотос“ во Градскиот парк ќе се одржат забавно – рекреативни игри под мотото „Движи се за здравје“.

Коалицијата за чист воздух О2 и Првата детска амбасада во светот „Меѓаши“ заедно со уште 18 граѓански, невладини организации, денеска попладне организираат мировен марш за чист воздух.

Од „ЕВН Македонија“ АД соопштија дека денес без електрична енергија заради закажани технички зафати ќе останат повеќе населени места.

Градот Скопје денеска организира велопикник што ќе се одржи на паркингот на Средно Водно, од 9:00 до 13:00 часот, како дел од активностите во вториот дел од Европската недела на мобилноста 2017.