Рочишта за „Тендери“ и „Транспортер“ во Кривичен суд

Во Кривичниот суд за денеска се закажани рочишта за предметите „Тендери“ и „Транспортер“ на Специјалното јавно обвинителство.

Случајот „Тендери“ се однесува на изведување градежни работи на Музејот на македонската борба, а првообвинета е ексминистерката за култура Елизабета Канческа- Милевска.

Во „Транспортер“ се обвинети поранешниот битолски градоначалник Владимир Талески и уште 20-тина лица за злоупотреба на службената положба во врска со организирањето превоз на ученици во Битола.