Османи: Одлуката за неодење во БиХ ја донесов како Европеец не како Албанец

Мојата одлука е во согласност со интересите на државата, а интересите на државата се во рамките на Стратегијата на ЕУ, и присуството би значело оштетување на интересите на државата, изјави вицепремиерот за европски прашања Бујар Османи во врска со одлуката да не учествува на конференцијата за Западен Балкан во Бања Лука.

- Одлуката не ја донесов како Албанец, туку како европеец, којшто верува во европската иднина на регионот. Стратегијата на ЕУ за регионот предвидува перспектива на сите шест земји од регионот за членство во ЕУ и еден од предусловите за да може овој регион да стане дел од ЕУ, е помирувањето. И каква било иницијатива со која не се дава придонес кон помирувањето, туку напротив се исклучува една од државите, е спротивна на идејата на самата Стратегија - изјави Османи.

Посочи дека и да не била повикана некоја друга држава, немало да учествува на таа конференција, бидејќи, како што рече, не е во духот на соработката и регионалното помирување.

- Сметам дека таа одлука е во рамки на интерсите на државата - додаде Османи.