Заев во Софија на средба со Јункер и лидерите од Западен Балкан

Тема на состанокот се можностите за забрзување на процесот на интеграција на Западен Балкан во Унијата, и подобрување на меѓусебната поврзаност.

Премиерот Зоран Заев во Софија ќе учествува на работниот состанок што го организираат претседателот на Европската комисија, Жан Клод Јункер и бугарскиот премиер Бојко Борисов со шефовите на држави и влади од Западен Балкан.

Тема на состанокот се можностите за забрзување на процесот на интеграција на Западен Балкан во Унијата, и подобрување на меѓусебната поврзаност.

Претседателот на Европската комисија, Јункер при неговата балканска турнеја потенцира дека од суштинска важност е да се задржи европската перспектива на земјите од регионот.

Бугарија најави дека Западен Балкан ќе биде меѓу главните приоритети за време на нејзиното претседавање со ЕУ.

Во мај во Софија ќе се организира самит ЕУ- Западен Балкан.