Завршува 9. „Мобил фестивал“

Со доделување на наградите на најдобрите филмови снимени со мобилен телефон денеска во Кинотека на Македонија ќе биде затворен 9. Интернационален „Мобил фестивал“.

Ќе бидат доделени награди за најдобрите во македонската и во меѓународната селекција, а авторот на најдобар филм ќе добие стипендија од Универзитетот за аудиовизуелни уметности ЕФТА – Скопје. Награди ќе се доделат за најдобар филм, за најиновативен филм, за најоргинална приказна и за најдобра идеја.

Во рамки на фестивалот беа прикажани и играните филмови „Планинско чудо“ и „Помош ја смалив учителката“, а се одржа и работилница за изработка на филмови со мобилен.

Фестивалот го организира продуцентската и дистрибутерска куќа „КТ филм и медиа“ од Скопје.