Во 21 век, Росоман ги доби првите пешачки премини

Општина Росоман ги доби првите пешачки премини во непосредна близина на росоманското основно општинско училиште „Пере Тошев" што имаат за цел да ја зголемат безбедноста на учениците чија фреквенција е голема во тој дел.

- Како општина стартувавме со пешачки премини на улиците „Пролетерска" и Пере Тошев", но нема да застанеме тука.

- Следуваат и други пешачки премини. Всушност, имаме проект за соодветно сообраќајно решение со кое ќе се зголеми безбедноста како за пешаците, така и за возачите, рекоа од Службата за информирање при локалната самоуправа.

Активностите ги спроведува општината со сопствени средства, во соработка со комуналното претпријатие.