Онлајн ликовен проект „Го сакам мојот роден крај“ на Националната галерија

Националната галерија на Македонија органи ликовен онлајн проект насловен „Го сакам мојот роден крај“. Проектот ќе биде отворен во текот на целото лето за деца на возраст од 4 до 17 години.

Од Националната галерија информираат дека во овој проект можат да учествуваат сите деца кои живеат во некоја странска земја, кои не се со постојан престој во Република Македонија. Темата и мотивот на ликовниот проект треба да биде врзана за се она што ја одбележува Македонија, нејзината култура и традиција. На конкурсот може да се достават секаков вид уметнички дела, нема ограничување во поглед на креативните техники.

– Со помош на дигиталните медиуми ќе можете да ни ги праќате вашите креации и пораки за се она што Ве врзува со родниот крај. На свој ликовен јазик покажете го богатото минато на Вашите претци, зголемувајки го националното чуство и сплотувањето на многуте деца од сите страни на светот со заеднички корен. Секогаш не изненадувате со Вашата креативност и оригиналност! Ве охрабруваме да се пријавите во што поголем број. Вашите креации може да ги доставите на marketing.ngm@gmail.com или да ги објавате на социјалните мрежи Фејсбук и Истаграм, при тоа тагнете ја Национална галерија на Република Македонија и во објавата употребете го хаштагот на проектот „Го сакам мојот роден крај“ – #ГоСакамМојотРоденКрај, велат од Националната галерија.

Информираат дека испратените слики, цртежи, видеа ќе бидат објавени на социјалните мрежи на Националната галерија на Фејсбук и Истаграм.