Промоција на книгата „И Боговите имаат интернет“ од Сања Мучкајева Видановска

Новата книга на Сања Мучкајева Видановска „И Боговите имаат интернет“ денеска ќе биде промовирана пред платото на Центарот за култура во Битола. Книгата е во издание на издавачката куќа Матица.

Презентерите Симеона Павловска и Валентин Дамчевски и промоторите проф. д-р Снежана Мојсовска Саламовска, Мартина Павловска Дурланова и Мартин Николовски ќе се погрижат промовирањето да биде на единствен, примамлив и поинаков начин.

– Што би се случило кога случајно би се појавил стариот дневник пишуван пред речиси четириесеттина години? Пишуван од тинејџерка која живееше во држава која одамна не постои, а читан од сега средовечната жена и мајка. Дали разликите од тоа време и денешницата се предизвик за една мајка која збунета се наоѓа во расчекор меѓу една цела родителска генерација од социјализмот, принудена да воспитува деца на капитализмот, стои во најавата за книгата.