Врховниот суд на Германија денеска пресуди дека Фејсбук незаконски избришал расистички коментар и блокирала профил, затоа што социјалната мрежа не го информирала корисникот (за исклучувањето) и не дала причини за такво нешто.

Денешната одлука на Федералниот суд дополнително ја отежнува бурната дебата за „токсичен дијалог“ на социјалните мрежи, во време кога Германија се подготвува за општи избори во септември.

Во соопштението на три страници, судот во Карлсруе наведе дека услугата на Фејсбук, која подразбира бришење коментари и блокирање профили поради кршење на правилата, е „неважечка“.

Ова, се додава, е затоа што Фејсбук не направил ништо за да го извести корисникот за отстранување на навредливиот коментар дури и по отстранувањето, или да предупреди дека ќе го блокира профилот, да понуди причина или да даде право на жалба.

Фејсбук соопшти дека ќе ја разгледа одлуката за да се осигура дека може да продолжи ефикасно да го отстранува говорот на омраза во Германија.

– Имаме нулта толеранција за говорот на омраза и посветени сме да го отстраниме од Фејсбук, рече портпаролот на компанијата.

Контроверзниот коментар, претставен од судот, наведува дека исламските мигранти можат да убиваат неказнето во Германија


Администратор
30/07/2021 05:27