Првиот Центар за нови вештини „SkillsNext“ почна да функционира на Универзитетот на ЈИЕ во Тетово

На Универзитетот на Југоисточна Европа (УЈИЕ) Тетово започна да функционира првиот Центар за нови вештини „SkillsNext“ што претставува модерно опремена површина од 350 метри квадратни, каде професионалци, практичари и студенти ќе посетуваат специјализирани обуки од текстилната и градежната индустрија, како и од земјоделството.

Во исто време, Центарот ќе служи како „продолжена рака“ на Фондот за иновации и технолошки развој (ФИТР) при што ќе се создадат услови за реализација на актуелни обуки, предавања и тренинг. Концептот на просторот поддржува соработка и партнерства помеѓу индустријата, јавниот сектор, академската јавност, експертите и работната сила.